Հայաստանի գյուղատնտեսության նախարար Սերգո Կարապետյանն աշխատանքային այցով եղել է Արցախում23 մայիսի 2011 - 20:00 AMT PanARMENIAN.Net - Հայաստանի գյուղատնտեսության նախարար Սերգո Կարապետյանը` առաջին տեղակալ Գրիշա Բաղիյանի ուղեկցությամբ երկօրյա աշխատանքային այցով մայիսի 20-21-ը եղել է Արցախում: Նրան ընդունել է Արցախի Հանրապետության նախագահ Բակո Սահակյանը: Քննարկվել են փոխհամագործակցությանը, գյուղատնտեսությունում ժամանակակից տեխնոլոգիաների ներդրմանը վերաբերող հարցեր, հայրենական արտադրությունը խթանելու հիմնախնդիրները:Երկու հայկական պետություններում գյուղատնտեսության զարգացման խնդիրները քննարկվել են նաև վարչապետ Արա Հարությունյանի հետ: Սերգո Կարապետյանը վստահեցրել է, որ չնայած նախարարի պաշտոնում ինքն առաջին անգամ է լինում Արցախում, բայց բավականաչափ տեղեկացված է համակարգում իրականացվող գործընթացներին և խնդիրներին` հավելելով, որ երկուստեք միմյանցից սովորելու բաներ կան: «Եթե մեզ մոտ դրական միտումներ կան նորարարությունների, առաջավոր փորձի արմատավորման տեսանկյունից, ապա ամեն կերպ պետք է նպաստենք դրանք ԼՂՀ-ում ներդնելուն կամ այն ամենն, ինչ ուսանելի է այստեղ, իսկ դրանում անասնապահական համալիրներ, մեքենատրակտորային կայան, գյուղմթերքների վերամշակման արտադրամասեր կատարած այցելությունների ընթացքում բազմիցս համոզվեցի, ինքներս պիտի արմատավորենք մեր մոտ», - ասել է Սերգո Կարապետյանը: Կարևորվել է երկու երկրների գերատեսչությունների աշխատակիցների ու ոլորտի մասնագետների փոխայցելությունները: Սերգո Կարապետյանը պատրաստակամություն է հայտնել աջակցելու ցանկացած հարցում և անմիջապես արձագանքելու մտոհոգող խնդիրներին: «Այսուհետև մեր հարաբերությունները պետք է լինեն շատ սերտ, ամենօրյա, փորձենք ծագած հարցերին օպերատիվ լուծումներ տալ, որպեսզի ամենաբարդ իրավիճակներում կարողանանք պատվով դուրս գալ», - նշել է ՀՀ գյուղնախարարը` կարևորելով միասնական տնտեսական քաղաքականության իրականացումը: «Գյուղատնտեսության ոլորտը, որոշակի նմանություններով և առանձնահատկություններով հանդերձ, ինձ ներկայանում է որպես մեկ ընդհանուր մարմին, մեկ տնտեսություն, որտեղ համատեղ ուժերով պիտի կարողանանք ճշգրիտ նախանշել ծրագրվելիք անելիքները և հստակ համակարգել աշխատանքները:Ասել է թե` մեր մոտեցումները օրենսդրական և տնտեսական առումով, պետք է լինեն միասնական ու, բնականաբար, ձեռնարկվող քայլերի փոխհամաձայնեցված լինելու դեպքում արդյունքներն, անկասկած, առավել խոսուն կլինեն», -ներկայացնելով գյուղատնտեսության ոլորտում կատարվող ՀՀ կառավարության ծրագրերը` նշել է Սերգո Կարապետյանը: Արցախ կատարած այցի ընթացքում ՀՀ գյուղատնտեսության նախարարը եղել է ԼՂՀ գյուղի և գյուղատնտեսության աջակցության հիմնադրամում, այցելել նոր կառուցվող հանրապետական անասնաբուժական լաբորատորիա, գյուղմթերքների վերամշակմամբ զբաղվող «Արցախֆրութ», անասնապահական «Տոհմային կայան» ՓԲԸ – ներ, Ասկերանի շրջանի Խրամորթ համայնքում տեղակայված «Ագրոտնտեսություն թիվ 1» մեքենատրակտորային կայան, շրջել ցանքատարածքներում, ինչպես նաև ծաղիկներ դրել Եղբայրական հուշահամալիրին, հաղորդում է Հայաստանի գյուղատնտեսության նախարարության մամլո ծառայությունը: Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | ՀԱՊԿ գլխավոր քարտուղարը հուսով է` ՀՀ-ն կհստակեցնի կառույցի հետ հարաբերությունների հեռանկարները «ՀՀ նկատմամբ բոլոր պարտավորությունները պահպանվում են ամբողջ ծավալով»,- ասել է նա Մշակվել է Երևանում օդի աղտոտվածության տեղեկատվական հարթակ, որը հասանելի կլինի բոլորին Այն կտեղադրվի Երևանի քաղաքապետարանի պաշտոնական կայքում Դանիել սարկավագը՝ բերետավորների գործողությունների մասին․Ծեծում էին՝ «հայր սուրբ, հայր սուրբ» ասելով Նա ասել է, որ ոստիկանության այդ ծառայողներն ամեն ինչի պատրաստ են Կենդանաբանական այգու փղի համար նոր բացօթյա ազատավանդակ կկառուցվի Ավինյանն ասել է, որ նամակներ է ստանում Բունկա փղի պահման ոչ բարվոք պայմանների մասին |