Կարինե Աճեմյան. Համաներումը կօգնի մեղմացնել ներքաղաքական լարվածությունը 26 մայիսի 2011 - 11:40 AMT PanARMENIAN.Net - «Ներում են ուժեղ, իրենց ուժերին վստահ և մեծահոգի մարդիկ»,- հայտարարել է Հայաստանի Հանրապետական կուսակցության պատգամավոր Կարինե Աճեմյանը: Նրա խոսքերով, դրական է համարվում ցանկացած քայլ` ուղղված մարդկանց դրությունը բարելավելուն, երկրում ներքաղաքական լարվածությունը մեղմացնելուն, ինչպես նաև քրեակատարողական հիմնարկները թեթևացնելուն: «Համաներումը քրիստոնյային արժանի լուրջ մարդասիրական քայլ է»,- նշել է նա: Իր հերթին, ընդդիմադիր «Ժառանգություն» կուսակցության պատգամավոր Զարուհի Փոստանջյանը կասկած է հայտնել հայկական իշխանությունների մարդասիրության վերաբերյալ և համաներում հայտարարելը բացատրել իշխանությունների ծանր դրությամբ: Ըստ նրա, համաներման ևս մեկ պատճառը քրեակատարողական հիմնարկներում տիրող ծանր իրավիճակն է և դրանց չափից շատ լիքը լինելը:Նա նշել է, որ, օրինակ, «Նուբարաշեն» ՔԿՀ-ում հիմա մնում է շուրջ 1300 մարդ նախատեսված 800-ի փոխարեն, և որ 25 քմ տարածքում գտնվում է 20-22 մարդ, թեև օրենքով մեկ բանտարկյալին պետք է հատկացվի 4 քմ տարածք: Այն հարցին, թե վերաբերվելու է արդյոք համաներումը նրա եղբորը` Տիգրան Փոստանջյանին, Զ. Փոստանջյանը պատասխանել է, որ իր եղբայրն օրենքի համաձայն արդեն պետք է ազատ արձակվեր, քանի որ երկուշաբթի օրը խորհրդարանի կողմից օրենսդրությունը փոխելուց հետո այն արարքները, որոնցում նա մեղադրվում է, քրեական հետապնդման չեն ենթարկվում: Դրա հետ կապված պատգամավորը նշել է, որ ՔԿՀ-ում իր եղբոր գտնվելը համարում է անօրինական և օրենքին հակասող: Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Ամենաընթերցվողը բաժնում | Սևանի ճանապարհին պայթյունից տուժածներից 2–ի վիճակը ծայրահեղ ծանր է․ Արտահոսքն ամենուրեք դադարեցվել է Գազաբենզալցակայանում պայթել է հեղուկ գազի ցիստեռն Հայաստանում անցկացվել է առաջին Bug Bounty մրցույթը Խոցելիություններ գտած մասնակիցները, ըստ դրա լրջության, պարգևատրվում են Շվեյցարացի մասնագետները Լոռիում են․ Գնահատելու են աղետից հետո ենթակառուցվածքների վիճակը Նրանք հետաղետային կարիքների խորքային գնահատում կիրականացնեն Վերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներում |