Հայոց ցեղասպանությունը մարդկության դեմ ամենահրեշավոր հանցագործություններից մեկն է, ասել է ավստրալացի նախարարը 3 հունիսի 2011 - 18:48 AMT PanARMENIAN.Net - Հայոց ցեղասպանությունը մարդկության դեմ հանցագործություն է: Այդ մասին հայտնել է իմիգրացիայի հարցերի նախարար Սկոտ Մորիսոնը` ելույթ ունենալով երկրի խորհրդարանում: Այդ մասին հաղորդում է Ավստրալիայի Հայ Դատի Հանձնախումբը (ANC Australia): Սիդնեյում այս տարվա ապրիլին` Հայոց ցեղասպանության զոհերի հիշատակին նվիրված երեկոյի ընթացքում Մորիսոնը խոստացավ ելույթ ունենալ ի օժանդակություն Ավստրալիայի կողմից Հայոց ցեղասպանության ճանաչման: «Այսօր որպես Ներկայացուցիչների պալատի անդամ` ես միանում եմ մյուսներին և հայտարարում, որ Հայոց ցեղասպանությունը մարդկության դեմ ամենահրեշավոր հանցագործություններից մեկն է: Մենք բոլորովին չենք ձգտում մեղադրել ժամանակակից Թուրքիային, սակայն կարևոր է, որպեսզի մենք ճանաչենք ինքնին Հայոց ցեղասպանության փաստը»,- ասել է ավստրալական նախարարը: ANC Australia-ի գործադիր տնօրեն Վարանդ Մգրդչյանը Սկոտ Մորիսոնի հայտարարությունը բնութագրում է որպես Հայոց ցեղասպանության ճանաչման ուղղությամբ ջանքերին աջակցելու առաջին քայլ: «Մենք շնորհակալ ենք Սկոտ Մորիսոնին և հավատում ենք, որ նա կշարունակի առաջ տանել Հայոց ցեղասպանության ճանաչման հարցը Ավստրալիայի խորհրդարանում»,- ասել է Վարանդ Մգրդչյանը: Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին: Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Բագրատ սրբազան․ Բաքվի հետ բանակցությունները պետք է լինեն երաշխավորների առկայությամբ, լավագույն հարթակը ՄԽ–ն է «Մենք իրական բանակցությունների կողմնակից ենք, ոչ թե պարտադրանքների, ուժի սպառնալիքի»,–ասել է նա Դեբեդ, Աղստև գետերի ավազաններում և Սևանի հարավային ափում ջրի ելքերի կմեծանան Սևանում տեղատարափ անձրև է Ֆրանսիացի ճարտարապետի Կասկադի ավարտուն տեսքի հայեցակարգային առաջարկը քննարկվել է քաղշին խորհրդում Ներկայացվել է նաև հայեցակարգի վերաբերյալ տեսանյութ Փաշինյանն աղետի գոտի է այցելել Նա այցելել է Վանաձոր-Ալավերդի միջպետական ճանապարհի Մարց գյուղի հատված |