  Փորձագետ. Բաքուն անտեղի ուռճացնում է իր ռազմաօդային ուժերի ուժն ու հզորությունը  18 հունիսի 2011 - 13:57 AMTPanARMENIAN.Net - Անտեղի է համեմատել Հայաստանի ու Ադրբեջանի ռազմաօդային ուժերը, քանի որ վերջիններիս տվյալները չափազանց ուռճացված են: Այդ մասին հայտարարել է փորձագետ Արծրուն Հովհաննիսյանը Երևանում կայացած մամլո ասուլիսում, որը նվիրված էր «Հայաստանի ավիացիայի օրվան»: «Երկու պետությունները լավ են գիտակցում, որ ռազմաօդային ուժերը նախատեսված չեն իրար դեմ պատերազմելու համար, այլ կոչված են լուծելու ԶՈւ խնդիրներն ու աջակցել նրանց գործողություններին»,-ասել է նա: Ուստի Ադրբեջանը զարգացնում է իր ՌՕՈւ-ն իր առջև դրված խնդիրների լուծումից ելնելով, իսկ Հայաստանը՝ համապատասխանաբար ելնելով իր նպատակներից: Այդ համատեքստում փորձագետը նշել է, որ Ադրբեջանի ՌՕՈւ հզորությունն ու հագեցվածությունը չեն համապատասխանում այն PR-ին, որ անում են այդ երկրի իշխանությունները: Արծրուն Հովհաննիսյանը նշել է, որ Ադրբեջանի ՌՕՈւ շարժակազմն ընդգրկում է այնպիսի մոդելներ, որոնք, ըստ այդ երկրի մասնագետների լրացնում են միմյանց, իսկ իրականում «ավելորդ շքեղություն են»: Փորձագետը պարզաբանել է, որ Ադրբեջանը չունի նման մոդելների կիրառման համապատասխան փորձ, հատկապես լեռնային տեղանքում, փորձ, որը ձեռք բերելու համար տարիներ են պահանջվում: Եղավ օդաչուներին Թուրքիայում նախապատրաստելու փորձ, սակայն խնդիրը նրանում է, որ բուն Թուրքիան նման տեխնիկայի կարիք չունի, արդյունքում՝ բարձր լեռնային շրջաններում նախապատրաստման խնդիրը մնաց չլուծված: «Հայաստանի ավիացիայի օրը» նշվում է ամեն տարի հունիսի երրորդ կիրակի օրը: ՀՀ ավիացիայի ստեղծման մեկնակետն է համարվում ՀՀ ԶՈւ ավիացիոն ստորաբաժանման կազմավորումը 1992թ. հունիսին: 5 տարի անց այդ իրադարձության առթիվ ՀՀ առաջին նախագահ Լևոն Տեր-Պետրոսյանը հրամանագիր ստորագրեց «Հայաստանի ավիացիայի օրը» տոնելու մասին:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
