Հայկական «Նյուպլաստ» ընկերությունն արտաքին շուկաներում գովազդային ակցիայի կարիք ունի 20 հունիսի 2011 - 16:29 AMT PanARMENIAN.Net - Հայաստանի էկոնոմիկայի նախարար Տիգրան Դավթյանը հունիսի 20-ին այցելել է «Նյուպլաստ» ՓԲԸ, որն առաջին ընկերությունն է Հայաստանում, որն արտադրում է մետաղապլաստե և պոլիմերային խողովակներ, ինչպես նաև կցամասեր, որոնց 20 տոկոսն արտահանվում է Ռուսաստան, Վրաստան: Նախարարը ծանոթացել է ընկերության արտադրական հզորությունների հետ, ինչպես նաև այցելել լաբորատորիա, որը համապատասխան ծառայություններ է տրամադրում ոչ միայն սեփական արտադրանքի համար, այլ նաև սպասարկում ներկրողներին: Տիգրան Դավթյանը բարձր է գնահատել ընկերության մենեջմենթը, որն ինքնուրույն լուծում է իր առջև դրված խնդիրները և կարող է օրինակ ծառայել մնացած ընկերությունների համար, որոնք ցանկանում են արտահանման ուղղվածություն ունեցող արտադրանք արտադրել: Անդրադառնալով պետական աջակցությանը` նախարարը նշել է, որ կառավարությունը կարող է աջակցել իրացման աշխարհագրությունն ընդլայնելու, արտադրող երկրի հավաստագիր տրամադրելու, ինչպես նաև ֆինանսական աջակցության և հարկային բեռը թեթևացնելու ուղղությամբ արտադրության ընդլայնման և ժամանակակից սարքավորումների ներկրման դեպքում: Իր հերթին ընկերության առևտրի ոլորտի ներկայացուցիչ Հովհաննես Ազիզյանը նշել է, որ ընկերությունը, որի արտադրանքը լիովին համապատասխանում է միջազգային չափանիշներին, այսօր ընկերությունը երկրի կառավարության աջակցության կարիքն ունի արտադրանքն արտաքին շուկաներում իրացնելու համար լայնածավալ գովազդային ծրագրի օգնությամբ: Պոտենցիալ շուկաներում հիմնական մրցակիցը թուրքական արտադրանքն է, որի արտադրողները մեծ գովազդային քարոզարշավ են անցկացնում: Այսօր ընկերությունը զբաղեցնում է տեղի շուկայի 30 տոկոսը, ավելին, ընթացիկ տարվա արդյունքներով այն մտադիր է հասնել նախաճգնաժամային արտադրության մակարդակին: 2011-ի հունիսի 1-ի դրությամբ ընկերության կողմից արտադրվել է 169.1 մլն դրամի արտադրանք, իսկ արտահանման ծավալը կազմել է 37.8 մլն դրամ: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Fastex-ը կազմակերպել է Cerebrum Intellectus-ի առաջին շրջանավարտների հետ հանդիպումը Cerebrum Intellectus-ի առաջիկա դասընթացներին մասնակցելու համար գրանցման մեկնարկը նույնպես տրվել է Սանոսյան․ Մ6 ճանապարհը բաց է, բայց պետք է զգույշ երթևեկել՝ վնասված հատվածներ դեռ կան Նա նշել է, որ մաքրման հիմնական աշխատանքներն արվել են Ավանեսյան․ Վիճակն աղետի գոտում կառավարելի է, որևէ բռնկում կամ շեղումներ չկան Նախարարը վստահեցրել է՝ համակարգը բերված է պատշաճ մակարդակի Խոսնակը հերքել է Բաքվում կայանալիք COP29–ին Փաշինյանի մասնակցության մասին լուրերը «Փաշինյանի աշխատանքային օրակարգում նման այց չի պլանավորվում»,–ասել է նա |