  ՀՀԿ անդամ. Կազանի հանդիպումը չի կարելի ձախողված համարել  27 հունիսի 2011 - 14:27 AMTPanARMENIAN.Net - Կազանի հանդիպումը չի կարելի ձախողված համարել: Այդ մասին Երևանում կայացած մամլո ասուլիսում հայտարարեց Հայաստանի Հանրապետական կուսակցության (ՀՀԿ) խորհրդարանական խմբակցության անդամ Ռաֆիկ Պետրոսյանը: Ըստ Պետրոսյանի, Կազանի հանդիպումից առաջ և հետո ադրբեջանական կողմը զսպվածություն է ցուցաբերում, քանի որ համանախագահ երկրների ղեկավարները կոչ են արել կողմերին համաձայնության գալ: Ինչպես նշեց պատգամավորը, միջազգային հանրությունը գիտակցում է, որ ժամանակն է, որ Ղարաբաղն անմիջական մասնակցություն ունենա բանակցություններին: «Չափազանց կարևոր է, որ Հայաստանի նախագահի հետ հեռախոսազրույցում ԱՄՆ նախագահ Բարաք Օբաման ընդգծեց ոչ միայն Հայաստանի ու Ադրբեջանի, այլ նաև Լեռնային Ղարաբաղի հանրության գործոնը: Ցավոք, նախագահ Ալիևը չի հրաժարվի իր ցանկություններից և կհամաձայնվի միայն Ղարաբաղի ինքնավարությանը Ադրբեջանի կազմում: Այս պայմաններում միջազգային հանրությունը պետք է ավելի մեծ ճնշում գործադրի Ադրբեջանի հանդեպ»,-ասաց Պետրոսյանը: ՌԴ, Ադրբեջանի և Հայաստանի նախագահների Կազանում կայացած գագաթաժողովն ավարտվեց առանց Լեռնային Ղարաբաղի հակամարտության կարգավորման շուրջ հիմնարար սկզբունքների մասին պայմանավորվածությունների ձեռքբերման: Ինչպես հաղորդում է ՌԻԱ Նովոստին, կողմերն առաջընթաց են արձանագրել այդ նպատակին հասնելու ճանապարհին: «Պետությունների ղեկավարներն արձանագրել են փոխըմբռնման ձեռքբերումն այն հարցերի շուրջ, որոնց լուծումը նպաստում է հիմնարար սկզբունքներին համաձայնելու համար պայմանների ստեղծմանը»,- ասվում է նախագահների հայտարարության մեջ: Փաստաթղթում ասվում է, որ հանդիպման մասնակիցները դիտարկել են հիմնարար սկզբունքների նախագծի համաձայնեցման նպատակով իրականացվող աշխատանքների ընթացքը:  Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
