Արթուր Բաղդասարյան. Ղարաբաղը պետք է դե յուրե ճանաչված պետություն դառնա կամ միավորվի Հայաստանի հետ30 հունիսի 2011 - 18:10 AMT PanARMENIAN.Net - Ադրբեջանը փորձում է հնարավորինս շատ դիվիդենտներ քաղել յուրաքանչյուր բարձր մակարդակի հանդիպումից` չհասկանալով այն պարզ իրողությունը, որ Հայաստանի Հանրապետությունը հստակ հռչակվել և սահմանվել է այն սկզբունքները, որոնց առկայության պայմաններում հնարավոր է Լեռնային Ղարաբաղի հիմնախնդրի խաղաղ և արդարացի կարգավորումը: Այդ մասին հայտնել է Հայաստանի Ազգային անվտանգության խորհրդի քարտուղար Արթուր Բաղդասարյանը: Այդ պայմաններում Հայաստանը, Բաղդասարյանի խոսքով, պետք է շարունակի իր հանդարտ, հավասարակշռված կեցվածքը և պաշտպանի իր սկզբունքները հիմնախնդրի կարգավորման համար: Ազգային անվտանգության խորհրդի քարտուղարի խոսքով, միջազգային հանրության համար Հայաստանի պաշտոնական դիրքորոշումները ընկալելի են: «Մեր մոտեցումը շատ հստակ է` Լեռնային Ղարաբաղի կարգավիճակի խնդիրը. Լեռնային Ղարաբաղը չի եղել և չի կարող լինել Ադրբեջանի կազմում, Լեռնային Ղարաբաղը և նրա կարգավիճակի խնդիրը գերակա հարցադրում է, այսինքն Լեռնային Ղարաբաղը պետք է դառնա դե-յուրե ճանաչված պետություն կամ վերամիավորվի Հայաստանի Հանրապետության հետ, և դա պետք է որոշի Լեռնային Ղարաբաղի ժողովուրդը միջազգայնորեն ընդունված ազգային ինքնորոշման սկզբունքի շրջանակներում` համապատասխան հանրաքվեի իրականացման միջոցով»,- ասել է Բաղդասարյանը: Նա հայտնել է նաև, որ Լեռնային Ղարաբաղի և Հայաստանի միջև ուղիղ ցամաքային կապ պետք է լինի, այսինքն անկլավների բացառում, և խնդրի կարգավորման պարագայում միջազգային անվտանգության երաշխիքների ապահովում:
Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Ամենաընթերցվողը բաժնում | Գեղասահորդուհի Սոֆյա Տիտովան կներկայացնի Հայաստանը․ Նա ՀՀ քաղաքացիություն է ստացել Նա մարզվում է Եվգենի Պլյուշչենկոյի ակադեմիայում Ռուսական Առաջին ալիքի հեռարձակումը վերսկսվել է․ Պարտքը մարվել է «Հաջորդ օրը Առաջին ալիքն ամբողջությամբ վճարեց պարտքը»,–ասել է Հայրապետյանը ՄԻՊ․ Անթույլատրելի է որևէ պարագայում ոստիկանության կողմից անհամաչափ ուժի կիրառում ՄԻՊ արագ արձագանքման խումբ է մեկնել ոստիկանության Կենտրոնական բաժին ՌԴ ՊՆ ղեկավար․ Հատկապես մտահոգիչ են Վաշինգտոնի և Բրյուսելի պլանները մեր հայ գործընկերների մասով Նա հավելել է, որ «Հայաստանին ու Ադրբեջանին հակասությունների կարգավորման համար պարտադրվում են միջնորդական ջանքեր» |