Հունահռոմեական ոճի ըմբիշ Ռաֆիկ Մանուկյանը դարձավ աշխարհի երիտասարդների չեմպիոն

PanARMENIAN.Net - Բուխարեստում անցնում է ըմբշամարտի աշխարհի երիտասարդական առաջնությունը: Առաջին մրցաշարային օրը հաջող էր Հայաստանի հունահռոմեական ոճի հավաքականի համար: Հայաստանի չորս ներկայացուցիչներից երկուսը նվաճեցին ոսկե մեդալներ:

Ռաֆիկ Մանուկյանն աշխարհի չեմպիոն դարձավ մինչև 74կգ քաշային կարգում : Մանուկյանը 4 մենամարտ անցկացրեց՝ հաղթելով Կիրո Ռուսսոյին (Իտալիա), Մայքլ Վագներին (Ավստրիա), թուրք Իսմաիլ Քոչասլանին և Մարկին Կուլինիչին (Լեհաստան):

Եզրափակչում հայ ըմբիշի մրցակիցն էր Զուրաբի Դաթունաշվիլին (Վրաստան), որին նա հաղթեց երեք շրջանում 5:3 հաշվով և նվաճեց աշխարհի առաջնության ոսկե մեդալը:

Թեթև քաշային կարգում՝ մինչև 50 կգ, բրոնզե մեդալ նվաճեց Ռուդիկ Մկրտչյանը:

Հուլիսի 27-ին հայ մարզիկներից կմեկնարկեն Նարեկ Խաչատրյանը (55կգ ք/կ), Հայկ Արշակյանը (66կգ ք/կ), որը 1/8 եզրափակչում կհանդիպի Դանիել Դիաս Էսկոբարի հետ: Գևորգ Մանուկյանը (84կգ ք/կ) և Վաչիկ Եղիազարյանը (120կգ ք/կ) կմեկնարկեն 1/8 եզրափակչից և կմենամարտեն Թադեոս Միչալիկի (Լեհաստան) և Մարիուս Գրիգելիսի (Լիտվա) հետ: