  Ժիրայր Փափազյան. Սփյուռքում մշակույթ չի մնացել   27 հուլիսի 2011 - 15:56 AMTPanARMENIAN.Net - Ըստ ֆրանսահայ նշանավոր բեմադրիչ, դերասան և թարգմանիչ Ժիրայր Փափազյանի, Սփյուռքում մշակույթ չի մնացել, և մարդկանց հետաքրքրում են միայն Ցեղասպանության հետ կապված խնդիրները: «Երբ ինձ հարցնում են, թե ինչ մշակութային միջոցառում կա ֆրանսահայ համայնքում, ես միայն կարող եմ ասել, որ տարեկան չորս անգամ Ցեղասպանությանը նվիրված գիտաժողովներ կան», ասել է Ժիրայր Փափազյանը Երևանում տեղի ունեցած մամլո ասուլիսում: Ըստ նրա, Ֆրանսահայերին հետաքրքրում են ավելի շատ բուլվարային, թեթև բեմադրությունները, քան լուրջ ազգային գործերը: «Ամեն ինչը փողի հետ է կապված, իսկ բարեգործական ընկերությունները հրաժարվում են գումար տրամադրել, պատճառաբանելով, որ Հայաստանում այս կամ այն տեխնիկական գործն են անում և չեն ցանկանում հավաքած գումարից գոնե մի փոքր հատված տրամադրել Սփյուռքին: Այսօր Սփյուռքում դպրոցներ, ակումբներ և թերթեր են փակվում: Չգիտեմ, ինչ փոխվեց նրանց մեջ, բայց երևի կապիտալիստական մտածելակերպից է գալիս այդ ամենը: Ինչը որ շահ է բերում, լավ է, ինչն էլ չէ` վատ է», հավելեց Փափազյանը: Ժիրայր Փափազյանը ծնվել է 1952 թ. Եգիպտոսում, հայ արվեստագետների ընտանիքում: 1976 թվականից դերակատարումներով և բեմադրություններով հանդես է եկել DEA թատրոնում: 1980 թ. Միչիգանի (ԱՄՆ) օպերային թատրոնում բեմադրել է Արմեն Տիգրանյանի «Անուշ» օպերան, ապա մինչև 1990 թ. աշխատել է Հոլիվուդում: 1986 թ. բեմադրել է «Արարատի երգը» (հայկական պոեզիայի ներկայացում), որտեղ հանդես է եկել դերասանուհի Նորա Արմանիի հետ: Բեմադրությունը մեծ հաջողություն է ունեցել Էդինբուրգի, Ավինյոնի փառատոներում և այլուր, արժանացել մրցանակների: 1990 թ. հաստատվել է Ֆրանսիայում, որտեղ 1997 թ. հիմնել է «Տիգրան Չուխաջյան» հետազոտական կենտրոնը: 1998-2001 թթ. վերականգնել և հրատարակել է Չուխաջյանի «Արշակ Երկրորդ» օպերայի նախնական տարբերակը: 2000 թ. ֆրանսերեն է թարգմանել և բեմադրել է Հակոբ Պարոնյանի «Ատամնաբույժն արևելյան» կատակերգությունը: 2001 թ. Սան Ֆրանցիսկոյի օպերայում բեմադրել է «Արշակ Երկրորդ» օպերայի նախնական տարբերակը: Նույն թվականին Միչիգանի օպերային թատրոնում իրականացրել է «Անուշի» երկրորդ բեմադրությունը:  Ուշագրավ Ֆիլմի ռեժիսորը Զառա Ջյանն է Պլասիդո Դոմինգոն Երևանում ելույթ է ունեցել նաև 2010–ին Փեյնի հեղինակած 8 լիամետրաժ ֆիլմերն առաջադրվել են ընդհանուր թվով 24 Օսկարի Տիգրան Ավինյանն ու Գրեգորի Դուսեն այցելել են պատմական թաղամաս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
