«Ոսկե» շախմատիստներից մեկը՝ Սերգեյ Մովսիսյան. Չեմ կարող բառերով նկարագրել զգացմունքներս28 հուլիսի 2011 - 18:39 AMT PanARMENIAN.Net - «Շատ ուրախ եմ, որ հանդես եմ գալիս Հայաստանի հավաքականի կազմում և առաջին անգամից ինձ հաջողվեց իմ թիմի հետ դառնալ աշխարհի չեմպիոն։ Իհարկե, նման հաղթանակներից հետո միայն դրական զգացմունքներ ես ապրում»,- PanARMENIAN.Net ի թղթակցի հետ զրույցում ասել է գրոսմայստեր Սերգեյ Մովսիսյանը, որը Հայաստանի հավաքականի կազմում հուլիսի 26-ին դարձել է շախմատի աշխարհի չեմպիոն։ Մովսիսյանի խոսքով, առաջնութունը շատ բարդ էր, քանի որ դրան մասնակցում էին աշխարհի ամենաուժեղ հավաքականները, և հայ շախմատիստների լավ մեկնարկն օգնեց այդ տեմպը պահել մինչև վերջ և ոչ մի պարտություն չկրել։ Շախմատիստը խոստովանել է, որ յուրաքանչյուր խաղատախտակում ընթացել է համառ պայքար, և նա ուրախ է, որ ոչ մի պարտիայում պարտություն չի կրել։ «Երևանում մեզ շատ ջերմ ընդունեցին, նման բան, հավանաբար լինում է կյանքում մեկ անգամ, և չեմ կարող բառերով նկարագրել զգացմունքներս։ Չէի կարծում, որ ինչ-որ երկրում կարող է նման բան լինել, հավանաբար, միայն ֆուտբոլային հաջողություններն են նման կերպ ողջունվում։ Շնորհակալ եմ բոլոր հայերին աջակցության համար»,- հավելել է շախմատիստը։ Մովսիսյանը Երևանից մեկնել է Պրահա, որտեղ օգոստոսի վերջին մասնակցելու է Աշխարհի գավաթին։ Դրանից հետո նոյեմբերին հավաքականի կազմում հանդես է գալու Հունաստանում կայանալիք Եվրոպայի առաջնությունում։ Ուշագրավ Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը | Հայաստանում անցկացվել է առաջին Bug Bounty մրցույթը Խոցելիություններ գտած մասնակիցները, ըստ դրա լրջության, պարգևատրվում են Շվեյցարացի մասնագետները Լոռիում են․ Գնահատելու են աղետից հետո ենթակառուցվածքների վիճակը Նրանք հետաղետային կարիքների խորքային գնահատում կիրականացնեն Պապիկյանը Բուլղարիայում պայմանավորվածություններ է ձեռք բերել ռազմարդյունաբերական ընկերությունների հետ Նա այցելել է «ՀԵՄՈՒՍ-2024» միջազգային ցուցահանդես Վերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներում |