Թուրքիայի ռազմական վերնախավին պաշտոնաթող են արել քաղաքական ճգնաժամից խուսափելու համար30 հուլիսի 2011 - 16:58 AMT PanARMENIAN.Net - Թուրքիայի ԶՈՒ գլխավոր շտաբի պետ Իշիք Քոշաների հրաժարականը Թուրքիայի իշխանությունների պլանավորված քայլն է հնարավոր քաղաքական ճգնաժամից խուսափելու համար, կարծում է թուրք քաղաքագետ Իսմայիլ Յաշան: «Թուրքական բանակի վերնախավի ներակայացուցիչները վերջին ժամանակները շատ սխալներ են թույլ տվել, մասնավորապես խառնվել են երկրում իշխանությունը տապալելու գործի հետաքննությանը»,- ասել է Յաշան, գրում է Trend-ը: Հուլիսի 29-ին Թուրքիայի ԶՈՒ գլխավոր շտաբի պետ Իշիք Քոշաները հրաժարական է տվել վարչապետ Ռեջեփ Թայիփ Էրդողանի հետ ունեցած առանձնազրույցից հետո: Ինչպես հաղորդում են թուրքական ԶԼՄ-ները, Էրդողանը ցանկացել է, որպեսզի Քոշաներն անցնի թոշակի: Քոշաներն էլ իր հերթին հրաժարական է տվել, նրան հետևել են ցամաքային ուժերի, ՌՕՈՒ և ՌԾՈՒ գլխավոր հրամանատարները, հաղորդում են տեղի ԶԼՄ-ները: Փորձագետի կարծիքով, Քոշաների հրաժարականն անխուսափելի էր Քրդական աշխատանքային կուսակցության գրոհայինների հետ թուրքական բանակի բախման արդյունքում 13 զինվորների մահվանից հետո: «Այդ դեպքը ցույց տվեց, որ թուրքական բանակին վերակազմավորում է պետք»,- նշել է նա: Հուլիսի 14-ին Դիարբեքիր գավառի Սիլվանի շրջանում Թուրքիայի ԶՈՒ և քուրդ ապստամբների բախման արդյունքում սպանվել են 13 թուրք զինվորներ, ևս 6-ը վիրավորվել են: Յաշան նաև հաղորդում է, որ Քոշաների հրաժարականից հետո իշխող ԱԶԿ դիրքերը միայն կամրապնդվեն: «Բանակի և կառավարության տարաձայնությունները «Կուվալդա» պլանից հետո կարող էին երկրում քաոս առաջացնել: Քոշաների հրաժարականից հետո ԱԶԿ դիրքերը կամրապնդվեն և կվերանա քաոսի վտանգը»,- կարծում է վերլուծաբանը: Յաշան նաև նշել է, որ Թուրքիայում քաղաքական ճգնաժամ չի լինի Քոշաների հրաժարականի հետ կապված, քանի որ երկրի բնակչությունը ողջունում է նրա պաշտոնաթողությունը: «Ժողովուրդը ողջունում է թուրքական բանակի վերակազմավորման» սկիզբը»,- ասել է նա: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Կիրանցեցիները թույլ չեն տվել սահմանազատման աշխատանքներ տանել․ Սանոսյանն ասել է՝ իրենք չեն այդ սահմանը գծել՝ 1976–ին է գծվել «Ճանապարհը կառուցենք՝ ինքն իրենով կլինի անվտանգություն»,–ասել է Սանոսյանը Միրզոյանը Բերբոքին է ներկայացրել ՀՀ-Ադրբեջան կարգավորման վերջին զարգացումները Մտքեր են փոխանակվել նաև տարածաշրջանային տնտեսական ծրագրերի, դրանցում ՀՀ ներգրավվածության հարցերի շուրջ Անդրեասյանն ու Թուրքիայի մշակույթի նախարարը քննարկել են Անիի կամրջի հարցը Նրանք հանդիպել են Թուրքմենստանում Դեսպան․ Չաբահար նավահանգստից օգտվելու հարցում Հնդկաստանը սպասում է հայկական կողմի հստակ առաջարկներին Նա նշել է, որ Չաբահար նավահանգիստը համատեղ զարգացվում է Հնդկաստանի և Իրանի կողմից |