 Ընթանում են Համահայկական խաղերի խմբային փուլի վերջին բասկետբոլային հանդիպումները 16 օգոստոսի 2011 - 16:28 AMT PanARMENIAN.Net - Օգոստոսի 16-ին ընթանում են Համահայկական խաղերի խմբային փուլի վերջին բասկետբոլային հանդիպումները: «Դինամո» մարզադաշտում առաջինը ելույթն են ունեցել Ախալքալաքի և Բուենոս Այրեսի թիմերը: Արգենտինացիները բոլոր չորս խաղակեսերում առաջ էին հաշվով և 102:28 հաշվով հաղթանակ տարան: «Այսօր մեզ համար շատ լավ խաղ ստացվեց, ուրախ եմ, որ հաղթանակ տարանք: Ես արդեն երկրորդ անգամ եմ մասնակցում Համահայկական խաղերին, մարզիկներից շատերն առաջին անգամ են այստեղ: Խաղից հետո մի փոքր կհանգստանանք և կմեկնենք Ծիծեռնակաբերդ»,- PanARMENIAN.Net ի թղթակցի հետ զրույցում ասել է Բուենոս Այրեսից ժամանած բասկետբոլիստ Ֆրանսիսկո Բալասանյանը: Այնուհետև խաղացին Կահիրեն և Սպահանը, Կահիրեի բասկետբոլիստներն իրենց երկրորդ հաղթանակը գրանցեցին, այս անգամ 50:36 հաշվով: Կահիրեի մարզիկ Աբրահամ-Վարուժան Թախտապրունյանի խոսքով, ինքը շատ ուրախ է, որ երկամյա ընդմիջումից հետո կրկին ժամանել է Հայաստան և հուսով է, որ այս անգամ իր թիմը հաջող ելույթ կունենա և կհասնի եզրափակիչ: Սալմաստը 72:32 հաշվով հաղթեց Մոնրեալին, Գլենդել Մոնրոուզն ուղղակի ջախջախեց Շահին Շահրին` 102:18, Սիդնեյը 76:27 հաշվով առավելության հասավ Վիեննայի նկատմամբ, Բեյրութն առանց դժվարության 84:36 հաշվով հաղթահարեց Թավրիզին: «Գրանդ Սպորտ» մարզասրահում մրցում են կանայք, հաղթանակ են տարել Թեհրանը, Արթիկն ու Գլենդելը` պարտության մատնելով համապատասխանաբար Երևանին, Փարիզին և Շահին Շահրին:   Ուշագրավ Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա Հավանայում կայացել է Ծանրամարտի միջազգային ֆեդերացիայի նիստը Բարսեղյանը ամբողջ 5 կգ-ով առաջ է անցել երկրորդը ճանաչված Սաուդյան Արաբիայի պատվիրակից   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
