  Անկախության 20-ամյակին ՀՀ օրհներգը հավանաբար կհնչի նոր գործիքավորմամբ   23 օգոստոսի 2011 - 12:01 AMTPanARMENIAN.Net - Հայաստանի պետական օրհներգը սեպտեմբերին կհնչի նոր գործիքավորմամբ: PanARMENIAN.Net ի թղթակցի հետ զրույցում ՀՀ մշակույթի նախարարության արվեստի վարչության գլխավոր մասնագետ Արմինե Ղազարյանն ասաց, որ մասնագետների խմբի գնահատմամբ օրհներգի բառերն ու երաժշտությունը փոխելու կարիք չկա, սակայն գործիքավորումը փոփոխության կարիք ունի: «Տիգրան Մանսուրյանի ու Լևոն Չաուշյանի նման մասնագետներ կարծիք հայտնեցին, որ, օրինակ, երգչախումբը շատ լավն է, բայց գործիքավորումը պետք է փոխել: Հայտարարվել է մրցույթ, որի արդյունքները կամփոփվեն սեպտեմբերի 9-ին»,- ասաց Արմինե Ղազարյանը: Կլինեն օրհներգի տարբեր ձայնագրություններ՝ սիմֆոնիկ նվագախմբի, փողային գործիքների, երգչախմբի կատարմամբ: Մասնակից կոմպոզիտորների անունն առայժմ չի հրապարակվում: Արմինե Ղազարյանը նշեց, որ անգամ կատարման ժամանակ նվագախումբն ու մասնագետները չեն իմանալու`ով է տվյալ գործիքավորման հեղինակը: Միայն արդյունքների ամփոփումից հետո կհրապարակվի հաղթողի անունը: Մրցույթին մասնակցում են միայն հայ մասնագետներ: Թեև մշակույթի նախարարությունում ասում են, որ հիմնի գործիքավորման պահանջը զուտ մասնագիտական է և պետք չէ կապեր որոնել, այնուամենայնիվ Հայաստանի Հանրապետության անկախության քսանամյակին պետական օրհներգը հավանաբար կհնչի նորովի ու բոլորովին այլ գործիքավորմամբ: Քրիստինե Քյուրքլյան / PanARMENIAN News   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
