 Մկրտիչ Մինասյանը. Հյուրանոց կառուցելու համար պետք է հրապարակի ու շատրվանների տարածքն էլ վերցնեն  26 օգոստոսի 2011 - 13:22 AMTPanARMENIAN.Net - Հանրապետության հրապարակի մետրոյի հարևանությամբ հյուրանոց կառուցելու համար բավարար տեղ չկա, և 4 աստղանի հյուրանոց կառուցելու համար ստիպված կլինեն բուն հրապարակն ու շատրվաններն էլ ներառել համալիրի մեջ: Այսօր լրագրողների հետ հանդիպմանը նման կարծիք հայտնեց Հայաստանի ճարտարապետների միության նախագահ Մկրտիչ Մինասյանը` հավելելով, որ ընդամենը մեկ շաբաթ առաջ է իմացել նախագծի մասին: “Այդ տարածքում կառույց դնելու առաջարկներ նախկինում էլ են եղել: Ես շարունակում եմ մնալ իմ կարծիքին, որ քաղաքը ոչ միայն շինություններն են, դրանց խտությունը, այլև բաց տարածությունները: Մենք հակված ենք եղել ու մնում ենք նույն կարծիքին` այդտեղ շինություն չենք, տեսնում”,- ասաց բանախոսը` հավելելով, որ պետք չէ նորը կառուցել հինը քանդելու հաշվին: Ճարտարապետի համոզմամբ` երևանցիներին ու զբոսաշրջիկներին նոր հյուրանոց ունենալուց առավել անհրաժեշտ է բաց տարածություն, հանգստի գոտի, որոնք կենտրոնում գրեթե չեն մնացել: Պատասխանելով PanARMENIAN.Net ի հարցին` վտանգավոր չէ արդյոք 7 հարկանի շինության կառուցումը մետրոյին այդքան մոտ, ճարտարապետը պատասխանեց. “Այդ տարածքում 5 րոպեն մեկ ցնցում կա, նաև շատ մոտ են մետրոյի էլեկտրական շարժասանդուխքները: Մետրոն էլ այդ հատվածում 12-15 մետր խորության վրա է ընդամենը: Սա լրացուցիչ ազդակ է, որ այդ տարածքը հարմար չէ այդքան մեծ կառույցի համար”: Մկրտիչ Մինասյանը նշեց, որ իր ունեցած տվյալների համաձայն ներդրողի` Tashir Group ռուսական հոլդինգի նախագահ Սամվել Կարապետյանի համար հյուրանոցի գտնվելու վայրը սկզբունքային նշանակություն չի ունեցել, և առաջարկը Նարեկ Սարգսյանինն է:  Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
