Էդվարդ Նալբանդյանը հուշամեդալ է հանձնել Ամենայն Հայոց կաթողիկոսին

PanARMENIAN.Net - Երևանում աշխատանքներն ավարտեց ԱԳՆ կենտրոնական ապարատի եւ դիվանագիտական ներկայացուցչությունների ղեկավարների խորհրդակցությունը:

Բարձրաստիճան դիվանագետները հանգամանալից քննարկեցին արցախյան հիմնախնդրի կարգավորման գործընթացի վերջին զարգացումները, անդրադարձան Հայաստանի արատաքին քաղաքականության երկկողմ եւ բազմակողմ հարություններին, տարածաշրջանային եւ միջազգային հարցերի, հայտնում է ՀՀ ԱԳՆ մամլո ծառայությունը:

Քննարկումների օրակարգում էր նաեւ հյուպատոսական ծառայության աշխատանքի կատարելագործումը, այս առումով ԱԳ նախարարի կողմից հանձնարարականներ տրվեցին արտերկրում մատուցվող հյուպատոսական ծառայությունների որակի եւ ՀՀ քաղաքացիների շահերի պաշտպանության արդյունավետության բարձրացման վերաբերյալ:

Խորհրդակցության աշխատանքներն ամփոփելով ԱԳ նախարար Էդվարդ Նալբանդյանը համապաստախան հանձնարարականներ տվեց ՀՀ նախագահ Սերժ Սարգսյանի կողմից դիվանագիտների առջեւ դրված խնդիրների կատարման վերաբերյալ:

Խորհրդակցության մասնակիցները այցելեցին Ծիծեռնակաբերդ եւ հարգանքի տուրք մատուցեցին Հայոց Ցեղասպանության զոհերի հիշատակին:

Դեսպանահավաքի աշխատանքների ամփոփումից հետո ՀՀ դեսպաններն ու ԱԳՆ ստորաբաժանումների ղեկավարները՝ նախարար Էդվարդ Նալբանդյանի գլխավորությամբ, մեկնեցին Սուրբ Էջմիածին, ուր նրանց ընդունեց Ն.Ս.Օ.Տ.Տ. Ամենայն Հայոց կաթողիկոս Գարեգին Բ-ն, որն իր հայրապետական օրհնությունը տալով դիվանագետներին հաջողություններ մաղթեց նրանց գործունեության մեջ:

Հանդիպմանը ՀՀ ԱԳ նախարարը շնորհակալություն հայտնեց Ամենայն Հայոց Կաթողիկոսին ընդունելության համար: Ամենայն Հայոց Կաթողիկոսի հետ հանդիպման ժամանակ քննարկվեցին արտերկրում հայապահպանության, հայկական մշակութային ժառանգության պահպանման խնդիրները, այդ ենթատեքստում Պետություն-Եկեղեցի համագործակցության հարցերը:

ԱԳ նախարար Էդվարդ Նալբանդյանը` ԱԳՆ եւ դիվանագիտական ներկայացուցչությունների ղեկավարության անունից շնորհավորելով Վեհափառ հայրապետին 60-ամյակի կապակցությամբ՝ Ամենայն Հայոց կաթողիկոսին հանձնեց ԱԳՆ հուշամեդալը