  Վիկ Դարչինյան. Էվանս Մբամբան կմտնի պատմության մեջ, բայց միայն իր պարտությամբ  1 սեպտեմբերի 2011 - 14:17 AMTPanARMENIAN.Net - Սեպտեմբերի 1-ին Երևանում կայացել է Վիկ Դարչինյանի (Հայաստան) և Էվանս Մբամբայի (ՀԱՀ) մամլո ասուլիսը, որոնց մենամարտը կայանալու է սեպտեմբերի 3-ին Կարեն Դեմիրճյանի անվան ՄՀՀ-ում: Մբամբայի խոսքով, նա վաղուց էր ցանկանում մենամարտել Դարչինյանի հետ, և վերջապես, նրա երազանքն իրականանալու է: Բռնցքամարտիկները պետք է հանդիպեին դեռ 2009-ին, խաղարկվելու էր WBC վարկածով գոտին, բայց այդ հանդիպումը չի կայացել: «Ես երկու տարի սպասել եմ այդ մենամարտին: Մենամարտին շատ լավ եմ պատրաստվել և ցանկանում եմ մտնել բռնցքամարտի պատմության մեջ»,- խոստովանել է նա: Հայ բռնցքամարտիկն իր հերթին նշել է, որ Մբամբան կմտնի պատմության մեջ, բայց իր պարտությամբ: «Եթե նա մարզվել է 8 շաբաթ, ապա ես պատրաստվել եմ այս մենամարտին 16 շաբաթ: Ես հիանալի մարզավիճակում եմ և պատրաստ եմ հերթական անգամ ցույց տալ իմ ուժը: Կարծում եմ, որ շոուն հիանալի կլինի»,- ասել է Դարչինյանը: Նրա խոսքով, նա ուրախ է, որ իր բոլոր մրցակիցները պատրաստվում են իր դեմ մենամարտին շատ լուրջ. «Ես իմ բոլոր մարտերն անցկացրել եմ հայրենիքից դուրս, և դա ինձ չի խանգարել հաղթել: Ինձ համար կարևոր չէ, թե որքան ուժեղ է մրցակիցը, ամեն դեպքում ես նրան նոկաուտի կենթարկեմ»: Բռնցքամարտիկները կկշռվեն սեպտեմբերի 2-ին:  Ուշագրավ Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը   |  Վերջին լուրեր Սերժ Սարգսյան. Բագրատ Սրբազանն ասել է` ինքն է թեկնածու, ուրեմն՝ իրեն ենք աջակցում  Նա ասել է, որ նոր իշխանություններին կհաջողվի սահմանազատումը բերել օրինական դաշտՌուսական Առաջին ալիքի հեռարձակումը վերսկսվել է․ Պարտքը մարվել է «Հաջորդ օրը Առաջին ալիքն ամբողջությամբ վճարեց պարտքը»,–ասել է ՀայրապետյանըՄԻՊ․ Անթույլատրելի է որևէ պարագայում ոստիկանության կողմից անհամաչափ ուժի կիրառում ՄԻՊ արագ արձագանքման խումբ է մեկնել ոստիկանության Կենտրոնական բաժինՌԴ ՊՆ ղեկավար․ Հատկապես մտահոգիչ են Վաշինգտոնի և Բրյուսելի պլանները մեր հայ գործընկերների մասով Նա հավելել է, որ «Հայաստանին ու Ադրբեջանին հակասությունների կարգավորման համար պարտադրվում են միջնորդական ջանքեր» |
