 Orange-ի շնորհիվ թիվ 186 ֆրանսերեն թեքումով դպրոցում բացվեց համակարգչային դասարան` գերարագ ինտերնետով  2 սեպտեմբերի 2011 - 15:01 AMTPanARMENIAN.Net - Սեպտեմբերի 2-ին Երևանի թիվ 186 ֆրանսերեն թեքումով դպրոցում Orange-ի աջակցությամբ բացվեց գերարագ ինտերնետով ապահովված համակարգչային արդիական դասարան: Դասարանն ունի 10 համակարգիչ, տպիչ, պրոյեկտոր ու այլ տեխնիկա և զինված է Orange-ի Ֆլայբոքս երթուղիչով, որը կապահովի գերարագ մուտք դեպի համացանց: 640 աշակերտ ունեցող այս դպրոցի բոլոր դասարանների աշակերտները` սկսած երկրորդ դասարանից, կունենան դասաժամեր համակարգչային տեխնիկայով և աքսեսուարներով զինված դասասենյակում, որը կօգտագործվի տարբեր առարկաների և հատկապես ֆրանսերենի բարձրորակ ուսուցման համար: « Ժամանակակից տեխնոլոգիաները զարգանում են անհավատալի արագությամբ, և մենք ցանկանում ենք, որ կրթության ոլորտը, մասնավորապես դպրոցները, անմասն չմնան այն հնարավորություններից, որ ընձեռում են տեղեկատվական տեխնոլոգիաները: Մեր ընկերության հիմնական բիզնես գործունեության մի կարևոր ոլորտն ինտերնետն է, և մենք գիտակցում ենք այս պատասխանատվությունը, որ կրում ենք տեղեկատվական հասարակության կառուցման գործում: Համակարգչային ուսուցման խրախուսումը մեր ընկերության կորպորատիվ պատասխանատվության քաղաքականության հիմնարար սկզբունքներից է, և ուրախ ենք իմանալ, որ դպրոցն այս համակարգչային սրահն օգտագործելու է ոչ միայն ինֆորմատիկայի դասերի, այլ նաև այլ առարկաների դասավանդման համար: Սա նաև մեր փոքրիկ ներդրումն է հայ-ֆրանսիական դարավոր բարեկամության պահպանմանն ու ուժեղացմանը», ասաց Orange-ի գլխավոր տնօրեն Բրունո Դյութուան: Orange-ը խրախուսում է իր աշխատակիցների անմիջական մասնակցությունն ընկերության հասարակական ծրագրերում: Այս փիլիսոփայությամբ էլ Orange-ի աշխատակիցներն անձամբ կներգրավվեն համակարգչային դասարանի աշխատանքներին. յուրաքանչյուր ամիս մեկ անգամ Orange-ի` բարձր որակավորում ունեցող մասնագետները հատուկ համակարգչային վերապատրաստման դասընթացներ կանցկացնեն բոլոր ցանկացող աշակերտների համար: Նախագծի համար Orange-ն ընդհանուր առմամբ տրամադրել է 4,670,000 դրամ:  Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից   |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
