Պարզվում է, Էրդողանն, այնուամենայնիվ, Գազա չի մեկնի

PanARMENIAN.Net - Թուրքիայի վարչապետ Ռեջեփ Թայիփ Էրդողանի մամլո քարտուղարը հերքել է նախօրեին տարածված տեղեկատվությունն այն մասին, որ վարչապետը մտադիր է այցելել Գազայի հատված:

Ինչպես հայտնում են Իսրայելի ԶԼՄ-ները, հղում անելով սեփական աղբյուրներին, Էրդողանը չի հանդիպի «Համասի» ներկայացուցիչների հետ, քանի որ այդպիսով դեմ կգնա իր հիմնական դաշնակցին՝ ԱՄՆ-ին, որն այդ կազմակերպությունը ահաբկեչական է համարում:

Անկարայում նախապատրաստում են Էրդողանի այցը Գազա, որը կկայանա սեպտեմբերի 13 կամ 14-ին Եգիպտոս այցելությունից հետո, հայտնել է «Հաբեր թուրք» թերթը՝ հղում անելով կառավարական աղբյուրներին:

Անցած շաբաթ Թուրքիայի ԱԳՆ ղեկավար Ահմեդ Դավութօղլուն հրապարակեց Իսրայելի դեմ պատժամիջոցների ցանկը, որը հրաժարվեց կատարել Անկարայի պահանջները, կապված անցյալ տարվա մայիսի 31-ին «Խաղաղության տորմիղի» վրա հարձակման հետ:

Արդյունքում զոհվեցին Թուրքիայի ութ քաղաքացիներ և ԱՄՆ քաղաքացի մեկ թուրք:

Թուրքիայի իշխանությունները պահանջում են, որ Իսրայելը պաշտոնապես ներողություն խնդրի և փոխհատուցում վճարի զոհվածների ընտանիքներին:

Այդ միջադեպի վերաբերյալ ՄԱԿ-ի զեկույցի հրապարակումից հետո Թուրքիայի ԱԳՆ-ն հայտարարեց Իսրայելի հետ դիվանագիտական հարաբերությունները նվազագույնի հասցնելու մասին, ինչպես նաև ռազմական ոլորտում համագործակցության սառեցման մասին:

Անկարան մտադիր է նաև դիմել Հաագայի դատարան, հայտնել է ԱԳ ղեկավարը TRT հեռուստաընկերությանը տված հարցազրույցում:

Զուգահեռ նախապատրաստվում է Էրդողանի այցը Գազա, ուր նա մտադիր է այցելել սեպտեմբերի 13-ին կամ 14-ին Եգիպտոսից հետո, հայտնում է «Հաբեր թուրք» թերթը: