Երևանում կայացել է «Գերդաստան ստվերաց» գրքի շնորհանդեսը` Րաֆֆի Հովհաննիսյանի գերդաստանի մասին 7 սեպտեմբերի 2011 - 14:24 AMT PanARMENIAN.Net - Եղիշե Չարենցի տուն-թանգարանում կայացել է Կարին Հովհաննիսյանի «Գերդաստան ստվերաց» գրքի շնորհանդեսը: Այն թարգմանաբար տպագրվել է «Տիգրան Մեծ» հրատարակչությունում, թարգմանիչը Սամվել Մկրտչյանն է: Շնորհանդեսը բացել ու ներկաներին ողջունել է Չարենցի տուն-թանգարանի տնօրեն Լիլիթ Հակոբյանը: Ելույթ են ունեցել Հայաստանի գրողների միության նախագահ Լևոն Անանյանը, թարգմանիչ Սամվել Մկրտչյանը, հեղինակի հայրը` Րաֆֆի Հովհաննիսյանը, ով գրքի հերոսներից մեկն է: Առանձին հուզիչ դրվագների շարադրմամբ` երեկոն եզրափակել է Կարին Հովհաննիսյանը: «Գերդաստան Ստվերաց»-ում պատկերված է գերդաստանի երեք սերունդների կյանքը իրենց ապրած պատմական ժամանակաշրջանի բովում: Կարինի մեծ պապը` Գասպարը, կորցրել է հայրենիքը, իր Բազմաշեն գյուղը Արևմտյան Հայաստանի Խարբերդի նահանգում, ականատեսը եղել ահավոր Եղեռնի հազարավոր զոհերի և չարագործությունների, զինվորագրվել է ցասման ու վրեժի պայքարին: Պապը` Ռիչարդը, ծնվելով Կալիֆոռնիայի նահանգի Տուլարի փոքրիկ քաղաքում, թողել է հոր ագարակը` ժամանակի փորձություններից և ժխտման ուժերի ոտնձգություններից պաշտպանելու կորուսյալ Էրգրի պատմությունը: Իսկ Միացյալ Նահանգների հանգիստ ու բարեհարմար պայմաններում մեծացած, համակողմանի փայլուն կրթություն ստացած Րաֆֆին նախընտրել է վերադառնալ մայր Հայրենիք: «Գերդաստան ստվերաց»-ը կարելի է ձեռք բերել գրախանութներում: Գրքի հասույթը կտրամադրվի «Օրրան» բարեգործական կազմակերպությանը:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
