Այսօր մեկնարկեց հայալեզու բովանդակությանը նպաստող «Նոր մեդիա դպրոց»-ի երրորդ փուլը 7 սեպտեմբերի 2011 - 17:27 AMT PanARMENIAN.Net - Այսօր «Beeline-համալսարանում» «ԱրմենՏել» ընկերությունը և «Ժառանգ» մշակութային ՀԿ-ն միասին հայտնեցին «Նոր մեդիա դպրոց»-ի երրորդ փուլի մեկնարկի մասին։ «Նոր մեդիա դպրոց»-ը նախատեսված է այն մարդկանց համար, ովքեր ցանկանում են ծանոթանալ ինտերնետ հաղորդակցության հիմնական սկզբունքներին և համացանցի տարբեր հարթակներում ունենալ սեփական բլոգը։ «Նոր մեդիա դպրոց»-ում ուսումն անվճար է, այնտեղ կարող են դիմել սովորելու համար բոլոր ցանկացողները։ Դպրոցը ստեղծվել է «ԱրմենՏել»-ի և «Ժառանգ» ՀԿ-ի նախաձեռնությամբ։ «Այսօր ինտերնետը ձեռք է բերել սեփական էմոցիաները արտահայտելու բնավորություն։ Կարևոր է գրագետ և գեղեցիկ գրել բլոգում։ «ԱրմենՏել»-ի համար կարևոր խնդիր է ոչ միայն երիտասարդությանը հասանելի դարձնել ինտերնետը և օնլայն շփումը, այլև սովորեցնել, թե ինչպես ճիշտ շփվել, բաց և գեղեցիկ արտահայտել մտքերը»,- նշեց ԱրմենՏելի գլխավոր տնօրեն Իգոր Կլիմկոն։ «ԱրմենՏել»-ի հասարակայնության հետ կապերի ղեկավար Անուշ Բեղլոյանը PanARMENIAN.Net ի թղթակցին հայտնեց, որ դպրոցի հիմնական նպատակներից է ինտերնետում հայալեզու բովանդակության զարգացումը։ «Շեշտը դրվելու է հատկապես հայալեզու բլոգների ստեղծման վրա։ Իհարկե մասնակիցների ընտրությունից առաջ անցկացվում է փոքր թեսթ, որի ընթացքում ստուգում են համակարգչային գիտելիքները։ Նաև տեսնում ենք, թե որքանով է ծանոթ ոլորտին։ Եթե արդեն բավական փորձ ունի բլոգոսֆերայումմ, միգուցե և դասընթացի կարիքը չունի»,- նշեց Անուշ Բեղլոյանը։ Անուշ Բեղլոյանի խոսքով՝ «Նոր մեդիա դպրոցում» դասավանդելու են մի շարք հայտնի բլոգերներ և միաժամանակ տարբեր ոլորտի մասնագետներ, ինչպիսին են բլոգեր և տեղեկատվության անվտանգության մասնագետ Սամվել Մարտիրոսյան, բլոգեր և լրագրող Արթուր Պապյանը, հայկական Վիքիպեդիայի ակտիվ մոդեռատոր Ալեքսեյ Չալաբյանը և նոր մեդիայի մասնագետ Արփինե Գրիգորյանը։ Վերջիններս կպատմեմն ինչպես բացել սեփական բլոգը, ինչպես գրել ինտերնետում, ինչպես հետաքրքիր և արդյունավետ գրել և կկիսվեն փորձով։ «Նոր մեդիա դպրոց» նախագծի շրջանակներում յուրաքանչյուր դասընթաց անցկացվում է ամեն ամիս՝3 շաբաթ տևողությամբ։ «Նոր Մեդիա Դպրոցն» ունի նաև իր կայքը և Facebook խումբը, որտեղ կարելի է ծանոթանալ դպրոցի նորություններին և մասնակցելու պայմաններին։ Ուշագրավ Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի | «Մի դրամի ուժը» 4 տարեկան է․ 173 մլն դրամ և 30-ից ավելի շահառու հիմնադրամներ Նախաձեռնությունն ավելի քան 40 ծրագիր է ֆինանսավորել Երևանում կկայանա ՀՀ-ԱՄՆ ռազմավարական երկխոսության ամփոփիչ նիստը Նիստի ավարտին կհրապարակվի ամփոփիչ հայտարարություն Իրանի նախագահի ընտրություններին 6 թեկնածու կմասնակցի Ցուցակը հաստատել է Իրանի Սահմանադրության պահապանների խորհուրդը Ալեն Սիմոնյան․ ՌԴ իշխանությունը «գցել» է Հայաստանին և հայ ժողովրդին Նա նշել է, որ թեթև նախանձով էր նայում, թե ինչպես ԱՄՆ-ի նավատորմը մոտեցավ Իսրայելի սահմաններին և սկսեց խոցել հրթիռները |