Արթուր Բաղդասարյանն ու Ֆիլիպ Լեֆորը քննարկել են Ղարաբաղի հիմնախնդիրը 8 սեպտեմբերի 2011 - 13:08 AMT PanARMENIAN.Net - Հայաստանի Ազգային անվտանգության խորհրդի քարտուղար Արթուր Բաղդասարյանն ընդունել է Հարավային Կովկասի հարցերով ԵՄ հատուկ ներկայացուցիչ Ֆիլիպ Լեֆորին, որը նախկինում զբաղեցնում էր Ֆրանսիայի Արտաքին գործերի նախարարության` Մայրցամաքային Եվրոպայի հարցերով վարչության պետի պաշտոնը: Հանդիպմանը ներկա էր նաև Հայաստանում ԵՄ պատվիրակության ղեկավար, դեսպան Ռաուլ դե Լյուցենբերգերը: Շնորհավորելով հյուրին նոր պաշտոնը ստանձնելու կապակցությամբ` Արթուր Բաղդասարյանը մաղթել է հետագա արդյունավետ աշխատանք և նորանոր հաջողություններ: Պարոն Լեֆորը նշել է, որ Եվրամիությունում երկար քննարկումներից հետո որոշվել է որոշակի փոփոխություններով վերաբացել մանդատը` ներառելով հակամարտությունների կարգավորմանը և տարածաշրջանային զարգացմանը վերաբերող հարցերի շրջանակ: Զրուցակիցները մտքեր են փոխանակել միջազգային իրադրության, տարածաշրջանային խնդիրների և մասնավորապես Լեռնային Ղարաբաղի հակամարտության վերաբերյալ: Արթուր Բաղդասարյանն ընդգծել է, որ բացառապես խաղաղ բանակցությունների և փոխընդունելի փոխզիջումների միջոցով հակամարտության կարգավորման Հայաստանի Հանրապետության հստակ և անփոփոխ դիրքորոշումը մշտապես հնչեցվել է տարբեր միջազգային հարթակներում: Այնուամենայնիվ, մեր հարևան երկրի գործելաոճն այս հարցում բնութագրվում է անսկզբունքայնությամբ և մերթընդմերթ ուղեկցվում նույնիսկ միջազգային հանրության համար էլ արդեն սովորական դարձած ռազմատենչ հայտարարություններով, ինչը լուրջ խոչընդոտ է հակամարտության կարգավորմանն ուղղված բանակցային գործընթացի արդյունավետ իրականացման համար: Պարոն Լեֆորը փաստել է, որ հիմնախնդի լուծման միակ ընդունելի տարբերակը խաղաղ ճանապարհն է և անընդունելի է համարել ռազմական ճանապարհով խնդրի լուծման ցանկացած փորձ: Արթուր Բաղդասարյանը նշել է, որ Ադրբեջանի և Թուրքիայի կողմից վարվող քաղաքականության արդյունքում Հայաստանը դուրս է մնացել մի շարք ոլորտներում, այդ թվում էներգետիկայի և հեռահաղորդակցության ոլորտներում իրականացվող տարածաշրջանային ծրագրերից: Այս իրողությունը համահունչ չէ սերմանվող արժեքների` համերաշխության և փոխգործակցության վրա հիմնված եվրոպական ինտեգրացիայի գործընթացին: ԱԱԽ քարտուղարը հավելել է, որ այնուհանդերձ Հայաստանը բաց է և պատրաստակամ իր հարևանների հետ հարաբերություններում և որդեգրել է կառուցողական դիրքորոշում: Ուշագրավ Վարույթ իրականացնող մարմինն այլևս չի կարծում, որ պետությանը պատճառվել է վնաս Փաշինյանը շնորհակալություն է հայտնել Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ամենաընթերցվողը բաժնում | «Մի դրամի ուժը» 4 տարեկան է․ 173 մլն դրամ և 30-ից ավելի շահառու հիմնադրամներ Նախաձեռնությունն ավելի քան 40 ծրագիր է ֆինանսավորել Իրանի նախագահի ընտրություններին 6 թեկնածու կմասնակցի Ցուցակը հաստատել է Իրանի Սահմանադրության պահապանների խորհուրդը Մարզերում գործող բիզնեսի և անհատների համար Ամերիաբանկը մշակել է աշխատավարձային հատուկ առաջարկ Մարզային ընկերությունները փաթեթի շրջանակում կարող են անվճար բացել ցանկացած արժույթի բանկային հաշիվներ ԱԺ խորհուրդը մերժել է ընդդիմության միջնորդությունը Կոնջորյանն ասել է, որ իրենց խմբակցությունը հունիսի 17-ին էլ չի մասնակցելու արտահերթ նիստին |