ՀՀ ՊՆ. Բացառված չէ, որ ԼՂՀ ՊԲ զինծառայող Հայկ Մկրտչյանը պատահաբար չէ սպանվել 8 սեպտեմբերի 2011 - 17:02 AMT PanARMENIAN.Net - Հայ զինծառայող Հայկ Մկրտչյանի մահվան փաստով գործի շրջանկաներում քննարկվելու են մի քանի տարբերակներ: Այդ մասին PanARMENIAN.Net ի թղթակցի հետ զրույցում հաղորդել է ՀՀ ՊՆ մամլո քարտուղար Դավիթ Կարապետյանը: Նրա խոսքով, հետաքննության շրջանակներում հաշվի է առնվելու, որ Մկրտչյանը մահացել է ոչ թե մեկ կրակոցից, այլ մի քանի: «Քննարկվում է նաև այն տարբերակը, որ Մկրտչյանը դիտավորյալ է սպանվել»,- ասել է Կարապետյանը, հավելելով, որ բացառված չէ, որ նա մահացել է մեկ այլ զինծառայողի հետ կոնֆլիկտի արդյունքում: Սեպտեմբերի 7-ին ԼՂՀ ՊԲ ժամկետային զինծառայող, շարքային Հայկ Վասիլիի Մկրտչյանի մահվան փաստի առթիվ հարուցված քրեական գործի շրջանակներում ՀՀ քրեական օրենսգրքի 373 հոդվածի 3-րդ մասով նախատեսված հանցագործության կատարման կասկածանքով ձերբակալվել է ժամկետային զինծառայող, շարքային Լենդրուշ Սամվելի Նազլուխանյանը: Նախաքննությունը շարունակվում է: Հոդված 373-ը՝ Զենքի, ռազմամթերքի եւ շրջապատի համար առավել վտանգ ներկայացնող առարկաների, նյութերի հետ վարվելու կանոնները խախտելը, որի 3-րդ մասը ենթադրում է մարդու մահ՝ անզգուշությամբ: Նախատեսվում է պատիժ երեքից յոթ տարի ազատազրկմամբ: Սեպտեմբերի 7-ին ժամը 06:00-ի սահմանում արևելյան ուղղությամբ տեղակայված զորամասերից մեկի պահպանության տեղամասի մարտական դիրքում հերթապահություն իրականացնելու ժամանակ հրազենային գնդակային վիրավորում ստանալու հետևանքով զոհվել է ՊԲ ժամկետային զինծառայող, 1992թ. ծնված շարքային Հայկ Վասիլի Մկրտչյանը: Ուշագրավ Փաշինյանը շնորհակալություն է հայտնել Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Ամենաընթերցվողը բաժնում | Փոխնախարար. Տավուշում ծառայում են սահմանապահները՝ 3-րդ բանակային կորպուսն իր խնդիրներն ունի Նա նշել է, որ դա սահմանապահ զորքերի հսկողության գոտի է Ալիև․ ԵՄ 3 երկիր սառը պատերազմ է հայտարարել Ադրբեջանի դեմ Նա քննադատել է ԵՄ–ին, գովել Հունգարիային Գալուզին․ ՌԴ դեսպանը շուտով կվերադառնա Երևան Նա նշել է, որ մտադիր չեն նվազեցնել ՀՀ հետ դիվանագիտական հարաբերությունների մակարդակը Առաջարկ․ ՀՀ–ում ամուսնության տարիքային նվազագույն շեմը սահմանել 18 տարեկանը՝ առանց բացառությունների Առաջարկը ներկայացրել է Ռուստամ Բաքոյանը |