Հայաստանի չորս պետական բուհեր կունենան անվճար WiFi անկյուններ15 սեպտեմբերի 2011 - 12:05 AMT PanARMENIAN.Net - Վաղը Երևանի պետական համալսարանի կենտրոնական մասնաշենքի նախասրահում Հայաստանի երիտասարդական հիմնադրամի նախաձեռնությամբ տեղի կունենա Orange WiFi «անկյունի» պաշտոնական բացումը։ Այս մասին տեղեկացնում են ՀԵՀ-ի մամլո ծառայությունից։ Բացի ԵՊՀ-ից, վաղը WiFi «անկյուն» կբացվի նաև Հայաստանի պետական ագրարային համալսարանում։ Իսկ Երևանի պետական լեզվաբանական համալսարանում և Երևանի պետական տնտեսագիտական համալսարանում նման անկյուններ պատրաստ կլինեն արդեն հաջորդ շաբաթ։ «Ինտերնետ առանց սահմանների» ծրագիրը կյանքի է կոչվել Հայաստանի երիտասարդական հիմնադրամի կողմից՝ հաշվի առնելով ուսանողների կարիքը և կրթական գործընթացում համացանցի խիստ անհրաժեշտությունը։ Հայաստանի երիտասարդական հիմնադրամը, հաշվի առնելով հասարակության մեջ օրեցօր աճող հետաքրքրությունը WiFi ինտերների նկատմամբ, ինչպես նաև ընդառաջ գնալով մի շարք ուսանողների առաջարկներին, դիմել է Orange-ին ստեղծել WiFi անկյուններ։ Ծրագիրը շարունակական է, և առաջիկայում նախատեսվում է անվճար WiFi անկյուններ բացել Երևանի բոլոր պետական և ոչ պետական բուհերում և ավագ դպրոցներում։ Ըստ ՀԵՀ-ի, ինտերնետը տեղեկատվության աղբյուր է, որն ուսանողները կարող են օգտագործել իրենց գիտելիքներն ընդլայնելու և տեղեկացվածության աստիճանը բարձրացնելու համար։ WiFi ինտերնետի պաշտոնական մեկնարկի արարողությանը կմասնակցեն Հայաստանի երիտասարդական հիմնադրամի հոգաբարձուների խորհրդի համակարգող, ԱԺ պատգամավոր Կարեն Ավագյանը, Orange-ի գլխավոր տնօրեն Բրունո Դյութուան, Երևանի պետական համալսարանի ռեկտոր Արամ Սիմոնյանը։ Ուշագրավ Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի | «Մի դրամի ուժը» 4 տարեկան է․ 173 մլն դրամ և 30-ից ավելի շահառու հիմնադրամներ Նախաձեռնությունն ավելի քան 40 ծրագիր է ֆինանսավորել Երևանում կկայանա ՀՀ-ԱՄՆ ռազմավարական երկխոսության ամփոփիչ նիստը Նիստի ավարտին կհրապարակվի ամփոփիչ հայտարարություն Իրանի նախագահի ընտրություններին 6 թեկնածու կմասնակցի Ցուցակը հաստատել է Իրանի Սահմանադրության պահապանների խորհուրդը Ալեն Սիմոնյան․ ՌԴ իշխանությունը «գցել» է Հայաստանին և հայ ժողովրդին Նա նշել է, որ թեթև նախանձով էր նայում, թե ինչպես ԱՄՆ-ի նավատորմը մոտեցավ Իսրայելի սահմաններին և սկսեց խոցել հրթիռները |