 Այսօր ԵՊՀ-ում և ՀՊԱՀ-ում բացվեցին մինչև 7Մբ/վ արագությամբ անվճար Wi-Fi անկյուններ  16 սեպտեմբերի 2011 - 15:27 AMTPanARMENIAN.Net - Այսօր Երևանի պետական համալսարանի կենտրոնական մասնաշենքի նախասրահում և Հայաստանի պետական ագրարային համալսարանում բացվեցին Orange անվճար Wi-Fi անկյուններ։Այս նախաձեռնության առաջարկը Հայաստանի երիտասարդական հիմնադրամը ներկայացրել էր Orange Armenia ընկերությանը։ Եկող շաբաթվա ընթացքում ևս երկու համալսարանում՝ Երևանի պետական լեզվաբանական և Երևանի պետական տնտեսագիտական համալսարաններում կբացվեն Orange անվճար Wi-Fi անկյուններ։ «Մեր կարևորագույն նպատակներից է ինտերնետն ու հաղորդակցման ժամանակակից մեթոդները հասանելի դարձնել բոլորին։ Wi-Fi անկյունները հագեցած են Flybox մոդեմով, որին կարող են միաժամանակ միանալ մինչև 40 սարքավորում»,-նշեց Orange Armenia ընկերության գլխավոր տնօրեն Բրունո Դյութուան բացման պաշտոնական արարողության համար։ Wi-Fi անկյունները հագեցած են սեղանով և աթոռներով։ Յուրաքանչյուր ուսանող կարող է անվճար միանալ Wi-Fi անլար ինտերնետ կապին և ստանալ մինչև 7 Մբ/վ ներբեռնման արագություն։ Flybox տարածում է ինտերնետը մինչև 100 մետր։ Հայաստանի երիտասարդական հիմնադրամը այս ծրագիրը կյանքի է կոչել «Ինտերնետ առանց սահմանների» ծրագրի շրջանակներում։ Ծրագիրը շարունակական է և առաջիկայում նախատեսվում է բացել անվճար Wi-Fi անկյուններ Երևանի բոլոր պետական և ոչ պետական բուհերում։ Wi-Fi անկյունների բացմանը ներկա էին Orange-ի գլխավոր տնօրեն Բրունո Դյութուան, ԵՊՀ և ՀՊԱՀ ռեկտորները և Հայաստանի երիտասարդական հիմնադրամի հոգաբարձուների խորհրդի համակարգող ու ԱԺ պատգամավոր Կարեն Ավագյանը։  Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից   |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
