  Նախագահը պարգևատրել է Հայաստանի և սփյուռքի 200 ակնառու գործիչերի անկախության 20-ամյակի առթիվ  17 սեպտեմբերի 2011 - 15:40 AMTPanARMENIAN.Net - Նախագահ Սերժ Սարգսյանի հրամանագրերով Հայաստանի Հանրապետության անկախության հռչակման 20-րդ տարեդարձի առթիվ` իրենց բնագավառներում ակնառու նվաճումների և հաջողությունների, լավագույն արդյունքների հասած վաստակաշատ ներկայացուցիչներ, հայապահպանության գործում նշանակալի ավանդ ունեցած և հայրենիքին զորավիգ եղած մի խումբ անձինք պարգևատրվել են պետական բարձրագույն պարգևներով: Հայաստանի Հանրապետության շքանշաններով և մեդալներով պարգևատրված, նստավայրում տեղի ունեցած պարգևատրման արարողության ժամանակ: Պետական բարձր պարգևների արժանացածներին նախագահը շնորհավորել և մաղթել է հաջողություններ: «Ինձ համար այս պարգևների հանձնումը պատիվ է, որովհետև այստեղ ներկա են մեր երկրի ու հասարակության արժանավոր ներկայացուցիչներ: Առաջին հերթին հենց նման մարդկանց շնորհիվ է, որ մեր պետությունը կանգուն է և նման մարդկանց շնորհիվ է առաջընթաց արձանագրում մեր ժողովուրդը: 20 տարի առաջվա Հայաստանը և այսօրվա Հայաստանը, այնուամենայնիվ, նույն երկիրն են` նույն լեզվական, մշակութային ու ընտանեկան ավանդույթներով, ինչպես նաև ազգային իղձերով: Մենք միշտ մնալու ենք նույնը, բայց նաև միշտ տարբեր. պահպանողական ու արդիական, ազգային ու միջազգային, միշտ հին ու միշտ նոր: Սա է հավերժության ճանապարհը, եթե հավակնում ենք հավերժի ճամփորդ լինել»,- հայտարարել է Սերժ Սարգսյանը: Պարգևատրվածների շարքում են` «ՎիվաՍել-ՄՏՍ» ընկերության գլխավոր տնօրեն Ռալֆ Յիրիկյանը, Արտեմ Սարգսյանը, ՀՀ ԱԳՆ փոխնախարար Արման Կիրակոսյանը, կոմպոզիտոր Էդգար Գյանջումյանը, էստրադային կատարողներ Վահան Ենոքյանը (Ֆորշ), Ալլա Լևոնյանը և Դավիթ Ամալյանը, ՀՀ ոստիկանության պետի առաջին տեղակալ Հունան Պողոսյանը, ոստիկանության պետի տեղակալ Սաշիկ Աֆյանը, գեներալ Հայկազ Բախմանյանը և գլխավոր շտաբի պետի տեղակալ Արշալույս Փայտյանը, Երևանի կոնյակի գործարանի գործադիր տնօրեն Արա Գրիգորյանը, «Իմեքս գրուփի» նախագահ Նորայր Խաչատրյանը: Գեներալ-լեյտենանտի հերթական կոչումը ստացել է պաշտպանության փոխնախարար Վլադիմիր Գասպարյանը: Հատկապես պետք է նշել Վրաստանի նախագահ Միխայիլ Սահակաշվիլիի` ազգային հարցերով խորհրդական Վան Բայբուրթի պարգևատրումը հայապահպանության գործում ունեցած ավանդի համար:   9 17.09.11 - ՀՀ Նախագահ Սերժ Սարգսյանը հանձնում է պարգևներ ՀՀ Անկախության 20-րդ տարեդարձի կապակցությամբ             Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
