Երևանը անկախության 20-ամյակը կդիմավորի նորովի լուսավորված ու գունազարդված 19 սեպտեմբերի 2011 - 15:50 AMT PanARMENIAN.Net - ՀՀ անկախության 20-ամյակի և «Էրեբունի-Երևան» տոնակատարությունները մայրաքաղաքը կդիմավորի լուսային նոր, ժամանակակից լուծումներով հագեցած հանդերձանքով։ Երևանի քաղաքապետարանի ծրագրերով մայրաքաղաքի արտաքին և գեղարվեստական լուսավորության ապահովման նպատակով լուսավորվել են պատմաճարտարապետական, մշակութային արժեք ներկայացնող շենքերը։ Քաղաքապետարանից հայտնում են, որ մայրաքաղաքի բնակչությանն ու հյուրերին գունային նոր լուծումներով լուսավորությամբ են ներկայանում Օպերայի և բալետի պետական ակադեմիական թատրոնի, Հովհ. Թումանյանի տուն– թանգարանի, Մատենադարանի, ինչպես նաև Պարոնյան փողոցի թ. 1, Գրիգոր Լուսավորիչ թ.12, Մաշտոց պողոտայի թթ. 3, 4 հասցեներում գտնվող շենքերը: Լուսավորվել է մայրաքաղաքի 34 արձան։ Ժամանակակից գեղագիտական լուսավորությամբ են զարդարվել նաև Հաղթանակի և Կիևյան կամուրջները։ Հատուկ լուսավորություն է անցկացվել Հրազդանի կիրճում։ Մյասնիկյան պողոտայի ժայռային բարձունքի 2 հատվածներ նույնպես լուսավորված են: Հանրապետության գլխավոր հեռուստաաշտարակի լուսավորման համար տեղադրվել է ժամանակակից, էներգախնայող 320 LED գունավոր լուսատու` 19 կվտ/ժամ հազորությամբ: Ռելիեֆային լուսավորությամբ այդ լուսարձակները կարող են ապահովել մինչև 16 միլիոն գունային երանգ: Լուսային նոր հանդերձանք է հագել նաև Հանրապետության հրապարակը, ուր նախատեսված է անցկացնել տոնական գլխավոր միջոցառումները։ Այստեղ ավելի վառ և պայծառ լուսավորություն ապահովելու համար լուսատու 40 սյուները փոխվել են նոր, կրկնակի հզորություն ունեցող լուսարձակներով: Բոլոր աշխատանքներն իրականացրել են հայ մասնագետները։   Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը   |  Վերջին լուրեր Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից  Դեսպանությունը պարզաբանում է ստացել Վրաստանի ԱԳՆ–իցՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնելՊուտինը հեռախոսազրույց է ունեցել Փաշինյանի հետ և շնորհավորական ուղերձ հղել․ Կողմ ենք, որ հարաբերությունները շարունակեն զարգանալ ՌԴ նախագահը Փաշինյանին շնորհավորել է ծննդյան օրվա առիթովԲագրատ սրբազանի գլխավորած շարժման կողմնակիցներն ավտոերթով ուղևորվել են Գյումրի «Գնում ենք Գյումրի, երեխաներին այցելենք, հետո էլ հանրահավաք ունենք»,–ասել է նա |
