  Հայաստանին հաջողվում է պահպանել ռազմական բալանսն Ադրբեջանի հետ ավելի սակավ միջոցներով 23 սեպտեմբերի 2011 - 15:54 AMT PanARMENIAN.Net - Հայաստանի համար պարտադիր չէ նույնպիսի ու նույն քանակության զենք գնել, ինչ Ադրբեջանը, որի բանակի առջև հարձակողական խնդիրներ են ծառացած: Այդ մասին Երևանում կայացած մամլո ասուլիսում հայտարարել է ռազմական փորձագետ Դավիթ Ջամալյանը: «Երկրի ռեսուրսները սահմանափակ են և մենք բնականաբար չենք կարող թույլ տալ մեզ գնել այն ամենն, ինչ կցանկանայինք, ցանկացած քանակով»,-նշել է նա: Ըստ նրա, Ադրբեջանի հետ ռազմական հավասարակշռության պահպանման գործում Հայաստանը որդեգրել է ասիմետրիկ պատասխանի ռազմավարությունը: Ջամալյանն այդ առնչությամբ նշել է, որ Հայաստանի խնդիրն է այժմ չեզոքացնել հակառակորդի ուժեղ կողմերն ավելի սահմանափակ միջոցոներով: Որպես հաջողված օրինակ Ջամալյանը նշել է հայկական ՀՕՊ, որի շնորհիվ չեզոքացված է Ադրբեջանի առավելությունը ավիացիայի ոլորտում: «Ադրբեջանական ավիացիան այսօր փաստորեն զրկվել է գործելու հնարավորությունից…Ավիացիայի կիրառումը Արցախի մարտական գործողությունների թատերաբեմում խիստ սահմանափակ է զենիթահրթիռային համալիրների առկայության պատճառով»,-հայտարարել է նա: Փորձագետը հավելել է նաև, որ, անշուշտ, ապագայում, երբ հնարավորությունները կավելանան, ցանկալի կլինի հզորացնել նաև ՌՕՈւ-ն:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
