  ԱՄՆ դեսպանությունն իր քաղաքացիներին կոչ է անում չհայտնվել Երևանի կենտրոնում ՀԱԿ-ի հանրահավաքի ժամանակ 29 սեպտեմբերի 2011 - 21:23 AMT PanARMENIAN.Net - Հայաստանում ԱՄՆ դեսպանատունը Երևանում իր քաղաքացիներին կոչ է անում զգույշ լինել սեպտեմբերի 30-ին` Հայ ազգային կոնգրեսի հանրահավաքի և քաղաքի փողոցներով դրան հաջորդող երթի ժամանակ: Դիվանագիտական առաքելության պաշտոնական կայքում տեղակայված հաղորդագրությունը ԱՄՆ քաղաքացիներին կոչ է անում խուսափել մայրաքաղաքի կենտրոնական փողոցներից, որոնցով ընթանալու է ընդդիմության երթը, մասնավորապես` Մաշտողի պողոտա, Ամիրյան, Նալբանդյան, Թումանյան փողոցներ, Հյուսիսային պողոտա և Ազատության հրապարակ: «Մենք ԱՄՆ քաղաքացիներին հիշեցնում ենք, որ անգամ ցույցերը, որոնք խաղաղ բնույթ են կրում, կարող են բախումների վերածվել, և կարող է առանց նախազգուշացման բռնություն կիրառվել: Դուք պետք է հետևեք իրադրությանն ու զգույշ լինեք այնտեղ, որտեղ գտնվում եք»,- ասվում է ԱՄՆ դեսպանատան հաղորդագրության մեջ: Սեպտեմբերի 23-ի հանրահավաքի ժամանակ ՀԱԿ-ի ներկայացուցիչները ժողովրդին կոչ են արել պատրաստվել քաղաքացիական անհնազանդության համազգային շքերթին: ՀԱԿ-ի առաջնորդ Լևոն Տեր-Պետրոսյանը հայտնել է, որ Կոնգրեսն ավելի հաճախակի և բազմամարդ միտինգային քաղաքականություն է սկսում և իշխանություններին նոր պահանջներ առաջադրում` հավելելով, որ հաջորդ հանրահավաքը կկայանա սեպտեմբերի 30-ին: Հղումներ թեմայով.   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
