Հայաստանի նախագահը վստահ է, որ Երևանի և Փարիզի միջև հարաբերությունները զարգանալու են առաջանցիկ տեմպերով29 սեպտեմբերի 2011 - 22:06 AMT PanARMENIAN.Net - Հայաստանի նախագահ Սերժ Սարգսյանը սեպտեմբերի 29-ին, ավարտելով իր պաշտոնական այցը Ֆրանսիայի Հանրապետություն, մեկնել է Լեհաստանի Հանրապետություն` մասնակցելու Եվրամիության «Արևելյան գործընկերության» գագաթնաժողովին: Նախքան մեկնելը Սարգսյանը հանդիպում է ունեցել Փարիզի քաղաքապետ Բերտրան Դելանոեի և Ֆրանսիայի հայ համայնքի ներկայացուցիչների հետ: ՀՀ նախագահը շնորհակալություն է հայտնել Փարիզի քաղաքապետին` ջերմ ընդունելության համար` նշելով, որ հայ և ֆրանսիական ժողովուրդների բարեկամությունը դարերի պատմություն ունի: «Հայաստանի անկախությունից ի վեր այդ բարեկամությունը վերաձևակերպվեց որպես երկու պետությունների սերտ ու վստահելի համագործակցություն: Մի քանի օրից սպասում ենք Ֆրանսիայի նախագահ Նիկոլյա Սարկոզիի` Հայաստան կատարելիք պետական այցին, ինչն առանցքային իրադարձություն է հայ-ֆրանսիական հարաբերություններում: Մեր բազմաբնույթ համագործակցության օրակարգում իր առանձնահատուկ տեղն ունի Հայաստանի և Ֆրանսիայի տեղական ինքնակառավարման մարմինների, ինչպես նաև քաղաքների ու հատկապես Երևանի և Փարիզի միջև հաստատված ակտիվ գործակցությունը: Բերտրան Դելանոեն նպաստել է այդ քաղաքների հարաբերությունների զարգացմանը»,- ասել է Սարգսյանը: ՀՀ նախագահն ընդգծել է, որ Փարիզի կենտրոնական հատվածներից մեկում Կոմիտաս վարդապետի արձանի տեղադրումը և Երևանի պուրակի հիմնումն իսկապես մեծ հպարտություն է բոլոր հայերի համար: Սարգսյանի խոսքով` բոլոր հայերը շատ լավ հասկանում են, որ այսօր գոյություն ունեցող հայ-ֆրանսիական բարձր մակարդակի հարաբերություններում մեծ է նաև Ֆրանսիայի հայկական սփյուռքի ավանդը» «Դուք յուրօրինակ կամուրջ եք երկու ժողովուրդների և երկրների միջև, և ես կցանկանայի, որ այդ կամուրջը միշտ ամուր և անսասան լիներ»: Դիմելով Փարիզի քաղաքապետին` Սարգսյանն ասել է հետևյալը. «Հարգելի' պարոն Դելանոե, մենք սիրով սպասում ենք Ձեզ Երևանում այս տարվա հոկտեմբերին` Ձեր գլխավորած Ֆրանկոֆոն քաղաքապետերի միջազգային ասոցիացիայի Գլխավոր Ասամբլեայի տարեկան նիստին: Շնորհակալություն եմ հայտնում Ձեզ այս հյուրընկալության համար և վստահ եմ, որ Երևան և Փարիզ քույր-քաղաքների հարաբերությունները զարգանալու են առաջանցիկ տեմպերով»:
Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Բերման է ենթարկվել անհնազանդության ակցիաների 29 մասնակից, որից 17–ը՝ Երևանում Վեդիում բերման է ենթարկվել Լևոն Քոչարյանը Amnesty International․ Ադրբեջանի կողմից էական առաջընթաց չի գրանցվել ԼՂ հայերի ապահով վերադարձի համար Նշվում է, թե Ադրբեջանի իշխանությունները համաներում էին խոստացել նրանց, ովքեր կռվել են Լեռնային Ղարաբաղի համար ԱԺ նախագահ․ Դրական եմ վերաբերվում, եթե ՀՀ–ն գազ գնի Ադրբեջանից Ըստ նրա՝ սահմանին սյուն տեղադրելը նշանակում է, որ Հայաստանն ու Ադրբեջանն իրարից տարածքային պահանջներ չունեն Զախարովա․ՌԴ–ն պատրաստ է աջակցել ՀՀ–ին և Ադրբեջանին սահմանազատման և ԼՂ հուշարձանների պահպանման հարցերում «Պայմանավորվածությունները պետք է լինեն կայուն, հավասարակշռված և փոխընդունելի»,–ասել է նա |