  Ֆրանս Տելեկոմ Orange Խմբի նախագահը հյուրընկալվեց Հայաստանում 8 հոկտեմբերի 2011 - 11:28 AMT PanARMENIAN.Net - Orange Արմենիա ընկերության մամլո ծառայությունից տեղեկացնում են, որ երեկ Orange-ի գլխավոր խանութը հյուրընկալել է Ֆրանս Տելեկոմ Orange Խմբի նախագահ և գլխավոր տնօրեն Ստեֆան Ռիշարին, Ֆրանսիայի Արդյունաբերության, էներգետիկայի և թվային տնտեսության նախարար Էրիկ Բեսոնին, Ֆրանսիայի արտաքին առևտրի գծով պետական քարտուղար Պիեռ Լելուշին և Ֆրանսիայի տրանսպորտի գծով պետական քարտուղար Թիերի Մարիանիին։ Նրանք բոլորը Հայաստան էին ժամանել Ֆրանսիայի նախագահ Նիկոլյա Սարկոզիի պետական այցի շրջանակներում` պաշտոնական պատվիրակության կազմում: Այցի ընթացքում նրանք ծանոթացան Հայաստանում Orange-ի գործունեությանն ու այն նորարարություններին, որ ընկերությունը կատարել է Հայաստանի շարժական հեռախոսակապի և լայնաշերտ ինտերնետի ոլորտում: Հանդիպմանը ներկա էին նաև Ֆրանս-հայկական գործարար ակումբի անդամները` ակումբի նախագահ Արման Փինարբասիի գլխավորությամբ: «Երջանիկ և հպարտ եմ այսօր գտնվել Հայաստանում և ներկայացնել այն ընկերությունը, որն իր ներդրումներով և գործունեությամբ նպաստում է Հայաստանի տնտեսական և տեխնոլոգիական զարգացմանը և դարձել է ֆրանս-հայկական բարեկամական հարաբերությունների կարևոր հիմնասյուներից մեկը», ասաց Ստեֆան Ռիշարը։ Ավելի վաղ Ստեֆան Ռիշարը այցելել էր Orange-ի գլխամասային գրասենյակ և հանդիպում ունեցել Orange Արմենիայի ինչպես ղեկավար անձնակազմի, այնպես էլ բոլոր աշխատակիցների հետ, ծանոթացել ընկերության աշխատանքային կյանքին և ներկայացրել Orange Ֆրանս Տելեկոմ Խմբի ընդհանրական նպատակներն ու ռազմավարությունը: Հանդիպման ընթացքում նա նշել է, որ հպարտ է այն բանի համար, որ Orange-ի աջակցությամբ Երևանի սրտում բացվել է աշխարհահռչակ քանդակագործ Օգյուստ Ռոդենի գլուխգործոցներից մեկը, որը մշտապես կխորհրդանշի հայ և ֆրանսիացի ժողովուրդների բարեկամությունը: Նա մասնակցել է արձանի պաշտոնական բացման արարողությանը:   Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից   |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
