 Կիմ Բակշի. Սերը բացատրություն չի պահանջում, ես սիրեցի Հայաստանը և հայերին 10 հոկտեմբերի 2011 - 13:45 AMT PanARMENIAN.Net - Անվանի գրող, հրապարակախոս, կինոդրամատուրգ, ականավոր լրագրող, հայ ժողովրդի բարեկամ, Կիմ Բակշին արժանացել է Հայաստանի պետական մանկավարժական համալսարանի (ՀՊՄՀ) «Մանկավարժական համալսարան» մեդալի: Մեդալը հանձնել է ՀՊՄՀ գիտության գծով պրոռեկտոր Արա Երեմյանը` համալսարանի ռեկտոր, դոկտոր, պրոֆեսոր Ռուբեն Միրզախանյանի անունից` հայ ժողովրդի և մշակութային ժառանգության քարոզման գործում գրողի անգնահատելի ներդրման համար: Մեդալը հանձնվել է Բակշիի` համալսարանի ուսանողների հետ հանդիպման ժամանակ: Կիմ Բակշին իր մասնագիտական գործունեության մեծ մասը նվիրել է Հայաստանի և հայ ժողովրդի պատմագիտական անցյալի ուսումնասիրմանը: Շուրջ չորս տասնամյակ Բակշին կապված է Հայաստանի հետ. նրա գրչին են պատկանում Հայաստանի պատմության ու ավանդույթներին նվիրված «Արծիվն ու սուրը», «Ճակատագիրն ու քարը», «Մեր աշխարհը նման է անիվի», «Մենաստանից` սիրո մասին» և բազմաթիվ այլ գրքեր ու հրապարակումներ: Հատկապես հայտնի է նրա և Հովիկ Հախվերդյանի «Մատենադարան» ֆիլմաշարը, որը յուրօրինակ հանրագիտարան է Հայաստանի և հայերի մասին: Կիմ Բակշին վեց գիրք է հեղինակել Հայաստանի մասին և այժմ տպագրության է պատրաստում յոթերորդը` «98 աստիճաններ» վերնագրով, որը խորհրդանշում է Մատենադարան տանող 98 աստիճանները: «Սերը բացատրություն չի պահանջում, ես սիրեցի Հայաստանը և հայերին ու այդ սերը Հայաստանի հանդեպ ինձ մղեց գրքեր գրել ձեր հրաշալի երկրի մասին»,- ասում է Բակշին:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
