  Բաբկեն Հարությունյան. Փոխլրացման քաղաքականությունը սպառել է իրեն և Հայաստանը պետք է հստակեցնի իր դիրքորոշումը 29 հոկտեմբերի 2011 - 13:38 AMT PanARMENIAN.Net - Հայաստանը պետք է ակտիվորեն մասնակցի նախկին ԽՍՀՄ տարածքում ընթացող ինտեգրացիոն գործընթացներին, գտնում է «Եվրասիական ինտեգրացիա» հետազոտական ՀԿ-ի ղեկավար Բաբկեն Հարությունյանը: «Մենք մեր ապագան տեսնում ենք Եվրասիական միությոնում, Հայաստանը պետք է մասնակցի ԵվրԱզԷՍ-ին, մենք պետք է հստակ նախանշենք արտաքին ինտեգրման կուրսը»,-հայտարարել է նա իր կազմակերպության կազմակերպած «Հայաստանն ու Եվրասիական միության հեռանկարները» քննարկման ժամանակ: Ըստ Հարությունյանի, փոխլրացման քաղաքականությունը սպառել է իրեն և Հայաստանն արդեն չի կարող թույլ տալ իրեն պարբերաբար հայտարարել, որ տեսնում է իրեն եվրոպական ընտանիքում, իսկ հետո, որ պետք է ամրապնդի կապերն ԱՊՀ երկրների հետ: Նա նաև նշել է, որ այժմ Եվրամիությունը տարբեր ծրագրերի միջոցով փորձում է մոտ պահել Հայաստանին ու մյուս հետխորհրդային երկրներին, սակայն մտադիր չէ թույլ տալ նրանց լիարժեք անդամակցությունը կազմակերպությանը: Հարությունյանը հավելել է նաև, որ Հայաստանը պետք է նախաձեռնող լինի այդ հարցերում, ոչ թե ուղղակի նստի ու սպասի, թե ինչպես կզարգանան իրադարձությունները և միայն ՌԴ վարչապետ Վլադիմիր Պուտինի Եվրասիական միության ստեղծման մասին հայտարարություններից հետո փորձի ակտիվանալ: Հարությունաը նաև կոչ է արել չմտահոգվել ինքնիշխանության մասնակի կորստի վերաբերյալ, օրինակ բերելով ԵՄ երկրները: Նա նաև նշել է, որ եվրասիական ինտեգրացիան չի ենթադրում հարաբերությունների խզում Եվրամիության կամ ԱՄՆ-ի հետ:   Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ   Ամենաընթերցվողը բաժնում |  Վերջին լուրեր Հայաստանում անցկացվել է առաջին Bug Bounty մրցույթը  Խոցելիություններ գտած մասնակիցները, ըստ դրա լրջության, պարգևատրվում ենՇվեյցարացի մասնագետները Լոռիում են․ Գնահատելու են աղետից հետո ենթակառուցվածքների վիճակը Նրանք հետաղետային կարիքների խորքային գնահատում կիրականացնենՎերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներումՊարզեցվել է երկակի և ռազմական նշանակության ապրանքների ներմուծումն ու արտահանումը Կան բազմաթիվ ապրանքներ, որոնք ակնհայտորեն չեն կարող երկակի կամ ռազմական նշանակության լինել, բայց ենթարկվում էին փորձաքննության |
