  Ստեփան Սաֆարյան. Վերջին քաղաքական գործընթացներն ամրապնդեցին «Ժառանգության» դիրքերը 4 նոյեմբերի 2011 - 15:36 AMT PanARMENIAN.Net - Վերջին քաղաքական գործընթացները ամրապնդեցին «Ժառանգության» դիրքերը: Այդ մասին Երևանում կայացած մամլո ասուլիսում հայտարարել է «Ժառանգության» խորհրդարանական խմբակցության ղեկավար Ստեփան Սաֆարյանը: Ըստ նրա, իշխանության շարքերում վերադասավորումների արդյունքում ՀՀԿ-ում ձևավորվեց մարդկանց մի խումբ, որոնք դժգոհ են այս փոփոխություններից, ինչն իր հերթին թուլացնում է հանրապետականների դիրքերը: Նաև, ըստ Սաֆարյանի, տևական շշուկներն այն մասին, թե ԲՀԿ-ն կարող է դուրս գալ կոալիցիայից, ինչպես նաև այդ ուղղությամբ կոնկրետ քայլերի բացակայությունը բացասաբար անդրադարձան այդ կուսակցության իմիջի վրա: Սաֆարյանը նշեց նաև, որ ՀԱԿ վերջին հանրահավաքներն ու հայտարարությունները վկայում են ՀԱԿ դիրքերի թուլացման մասին: Ըստ նրա, կուսակցությունը դեռ չի քննարկում այլ կուսակցությունների հետ միավորվելու հարցը և նախընտրական շտաբ չի ստեղծում: Նոյեմբերի 1-ին Հայաստանի խորհրդարանի խոսնակ Հովիկ Աբրահամյանը հրաժարական է տվել և կգլխավորի Հայաստանի կառավարող Հանրապետական կուսակցության (ՀՀԿ) նախընտրական շտաբը: Հանրապետական կուսակցության Խորհրդի նիստից հետո Հովիկ Աբրահամյանը հաղորդել է լրագրողներին, որ այն բանից հետո, երբ ՀՀ նախագահ Սերժ Սարգսյանն իրեն հանձնարարել է գլխավորել նախընտրական շտաբը, ինքն իր անձնական նախաձեռնությամբ առաջարկել է հրաժարական տալ, որպեսզի ավելի արդյունավետ ձևավորի շտաբն ու նախընտրական աշխատանքներ իրականացնի: Հրաժարական է տվել նաև ոստիկանապես Ալիկ Սարգսյանը, նրան փոխարինեց ՊՆ փոխնախարար Վլադիմիր Գասպարյանը:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
