 Գնդապետ. ՀՀ Զինված ուժերում կան այնքան բժիշկներ, որքան անհրաժեշտ է 19 նոյեմբերի 2011 - 16:03 AMT PanARMENIAN.Net - Երեկ ռազմական բուժաշխատողի օրն էր։ Այդ առթիվ այսօր լրագրողների հետ հանդիպմանը ՀՀ ԶՈՒ ռազմաբժշկական վարչության պետ, գնդապետ Արտաշես Փարսադամյանը ներկայացրեց ռազմաբժշկական վարչության ձևավորումն ու արդի վիճակը։ Նա նշեց, որ ծառայությունը ձևավորվել է մի քանի հազարամյակ առաջ, քանի որ եղել են կռիվներ, պատերազմներ, ու եղել են բուժակներ, զինվորներին աջակցողներ, օգնողներ։ «Այսօր մեր զինված ուժերում կան այնքան բժիշկներ, որքան բանակին անհրաժեշտ է։ Կազմն ամեն տարի համալրվում է։ Այս հարցում մենք ապահովված ենք»,- ասաց գնդապետը։ Նա նշեց, որ ի տարբերության 1990-ականների սկզբի՝ ձևավորման սկզբնական շրջանի, այն հիմա զարգացած, առանձին կառույց է, որը նաև մասնագիտական կախման մեջ չէ առողջապահական հզոր կազմակերպություններից։ «Մենք կարողացել ենք ստեղծել սեփական շինություններ, հոսպիտալներ, ամբուլատորիաներ, կանխարգելիչ հաստատություններ, որոնք կարող են ապահովել մեր բանակի ու ԶՈՒ բուժսպասարկումը, սկսած համալրման պահից մինչև բուն ծառայության ընթացքի բուժպահովումը»,- ասաց Արտաշես Փարսադամյանը՝ հավելելով, որ կառույցները հագեցած են նորագույն տեխնիկայով ու լավ մասնագետներով. «Դա մենք չենք համարում ավարտված պրոցես։ Դեռ 6-7 տարի առաջ ենք սկսել տեխնիկական վերազինման աշխատանքները, որը շարունակական գործընթաց է»։ ՀՀ ԶՈՒ ռազմաբժշկական վարչությունում աշխատում են գիտության 6 դոկտոր, 34 թեկնածու։ Եվս 3 հոգի մյուս տարվա սկզբին կպաշտպանի դոկտորական թեզ, 4-ը՝ թեկնածուական։ Գնդապետը նշեց, որ մի խնդիր է մնում լուծելու՝ ժամանակին հայտնաբերել ու միջոցներ ձեռնարկել։ Իրենց հետևողական աշխատանքների շնորհիվ հիվանդացությունների քանակը բանակում արդեն իսկ նվազեցվել է 1000-ավոր անգամներ։   Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը   |  Վերջին լուրեր Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից  Դեսպանությունը պարզաբանում է ստացել Վրաստանի ԱԳՆ–իցՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնելՊուտինը հեռախոսազրույց է ունեցել Փաշինյանի հետ և շնորհավորական ուղերձ հղել․ Կողմ ենք, որ հարաբերությունները շարունակեն զարգանալ ՌԴ նախագահը Փաշինյանին շնորհավորել է ծննդյան օրվա առիթովԲագրատ սրբազանի գլխավորած շարժման կողմնակիցներն ավտոերթով ուղևորվել են Գյումրի «Գնում ենք Գյումրի, երեխաներին այցելենք, հետո էլ հանրահավաք ունենք»,–ասել է նա |
