Ռուբեն Մելքոնյան. Էրդողանի ներողությունը Դերսիմի իրադարձությունների համար ուղղված է Աթաթուրքի դեմ

PanARMENIAN.Net - Ըստ թուրքագետ Ռուբեն Մելքոնյանի, Թուրքիայի վարչապետ Ռեջեփ Թայիփ Էրդողանի ներողությունները 1937-38թթ. Դերսիմի իրադարձությունների համար ուղղված են Քեմալ Աթաթուրքի և քեմալականության քաղաքականության դեմ: «Սա զինվորականների դեմ ուղղված Էրդողանի հերթական քայլն է»,-հայտարարել է Ռուբեն Մելքոնյանը Երևանում կայացած մամլո ասուլիսում: Հայ փորձագետը նշել է, որ 2009թ. ի վեր Թուրքիայում սկսեցին գրքեր հրատարկվել, հիմնված մինչ այդ փակ արխիվային տեղեկությունների վրա, որտեղ ասվում էր Քեմալ Աթաթուրքի մասնակցության մասին ազգային փոքրամասնությունների դեմ կատարված հանցագործություններին: Ըստ նրա, առանց բարձրագույն թուրքական իշխանությունների թույլտվության այդ գրքերը հնարավոր չէր լինի հրատարկել: Նա նաև նշել է, որ ընդդիմադիր ուժերը խստորեն քննադատել են Էրդողանին՝ հայտարարելով, որ դրանով նա հող է նախապատրաստում Հայոց ցեղասպանության համար ներողության համար: Հայ փորձագետը նշել է նաև, որ այլ ընդդիմադիր ուժերը, ավելի չեզոք, հայտարարում են, որ նման իրադարձություններ Դերսիմում չեն եղել և Էրդողանը խեղաթյուրում է փաստերը:

Թուրքիայի վարչապետ Ռեջեփ Թայիփ Էրդողանը հայտարարել է, որ եթե պահանջվի, ապա նա ներողություն կխնդրի Դերսիմի ջարդերի համար: Նա մեղադրել է ջարդերի կազմակերպման մեջ ընդդիմադիր Ժողովրդա-հանրապետական կուսակցությանը, որն այն ժամանակ իշխանության գլուխ էր անցել: Թուրքական իշխանությունները արյան մեջ խեղդեցին Դերսիմի ապստամբությունը: Տարբեր տվյալներով, կոտորածների զոհ դարձավ մոտ 100 հազար մարդ: Ցեղասպանությունից փրկված հազարավոր հայեր, 1938թ. կրկին ցեղասպանության ենթարկվեցին