Հայաստանի նախագահը լավատես է հայ-լիբանանյան հարաբերությունների զարգացման հարցում 9 դեկտեմբերի 2011 - 15:47 AMT PanARMENIAN.Net - Հայ-լիբանանյան հարաբերությունները բարձր մակարդակի վրա են, սակայն հեռու են բավարար լինելուց: Այդ մասին հայտարարել է Հայաստանի նախագահ Սերժ Սարգսյանը Երևանում Լիբանանի նախագահի հետ համատեղ մամլո ասուլիսում: Միևնույն ժամանակ, նախագահը նշել է, որ «չափազանց լավատես է հայ-լիբանանյան հարաբերությունների զարգացման հարցում»: Նա հույս է հայտնել, որ Հայաստան-Լիբանան ասոցիացիան նոր խթան կհանդիսանա հարաբերությունների ամրապնդման համար: Նախագահ Սարգսյանը շնորհակալություն է հայտնել Լիբանանի ղեկավարին Հայոց ցեղասպանությունը խորհրդարանի մակարդակով ճանաչելու և լիբանանահայերի հանդեպ լավ վերաբերմունքի համար, որոնք բոլոր հնարավորություններն ունեն լիովին ինտեգրվելու Լիբանանի կյանքին՝ «չխզելով կապը հայրենիքի հետ ու ակտիվացնելով շփումը»: Իր հերթին Լիբանանի նախագահ Միշել Սուլեյմանը հայտարարել է, որ Լիբանանը միշտ Հայաստանի կողքին կլինի նրա տակավին երիտասարդ պետականության կայացման գործընթացում: Երկկողմ հանդիպմանը քննարկվել են համագործակցության ընդլայնմանն առնչվող հարցեր, ինչպես նաև մի շարք միջազգային խնդիրներ: Հայաստանի նախագահը նշել է, որ Հայաստանը կարևորում է համագործակցությունը Լիբանանի հետ միջազգային կառույցներում: «Երկու երկրներն էլ փոքր են և ավելի արդյունավետ կդիմակայեն մարտահրավերներին միասին»,-ասել է նա, մասնավորապես նկատի ունենալով համագործակցությունը անվտանգության, մշակույթի ու էկոնոմիկայի ոլորտներում: Հայաստանի նախագահ Սերժ Սարգսյանի հրավերով պաշտոնական այցով Հայաստան է ժամանել Լիբանանմի նախագահ Միշել սուլեյմանը: Այցի շրջանակներում Սուլեյմանը հանդիպել է նախագահ Սերժ Սարգսյանի հետ, կհանդիպի նաև օրենսդիր և գործադիր մարմինների ղեկավարների, Ամենայն Հայոց կաթողիկոսի հետ: Այցի շրջանակներում արդեն իսկ ստորագրվել է 7 համաձայնագիր 7 ոլորտներում: Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Ամենաընթերցվողը բաժնում | Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից Դեսպանությունը պարզաբանում է ստացել Վրաստանի ԱԳՆ–ից ՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնել Փաստաբան․ Աշոտ Հարությունյանը սրբազանի հորդորով դադարեցրել է հացադուլն ու ջրադուլը Նա այժմ ոչ թե մյուս ձերբակալվածների նման գտնվում է ՁՎՊ–ում, այլ հիվանդանոցում Օդի ջերմաստիճանը հունիսի 1-ին կնվազի 2-4 աստիճանով Երևանում հունիսի 2-3-ին սպասվում է առանց տեղումների եղանակ |