Ադրբեջանի տարօրինակ խաղերը. Բաքուն միջազգային հանրութայնը կոչ է անում շտապ լուծել ղարաբաղյան խնդիրը23 հունվարի 2012 - 12:10 AMT PanARMENIAN.Net - Պաշտոնական Բաքուն հանդես է եկել « ղարաբաղյան հակամարտության վերաբերյալ շուտափույթ վերջնական խաղաղ համաձայնագրի կնքման աշխատանքները սկսելու օգտին»: Ինչպես հայտնում է 1news.az-ը, այդ մասին ասվում է Ադրբեջանի ԱԳՆ մամուլի ծառայության տարածած 2011թ ամփոփիչ հաշվետվությունում: Ադրբեջանը «միջազգային հանրությանը կոչ է անում ավելի հաստատակամ և հետևողական լինել ղարաբաղյան հակամարտության կարգավորման գործընթացում` տարածաշրջանում խաղաղ մթնոլորտի, կայունության և համագործակցության ձևավորման նպատակով»: Փաստաթղթում ասվում է, որ 2011թ «պաշտոնական Բաքուն շարունակել է բանակցությունները ղարաբաղյան հակամարտության կարգավորման գործընթացի վերաբերյալ` միջազգային իրավունքի սկզբունքների և նորմերի հիման վրա` հանդես գալով, ինքնիշխանության այսպես կոչված տարածքային ամբողջականության վերականգնման դիրքից»: Հավելենք, որ այս հայտարարությունը տարօրինակ է Ադրբեջանի ոչ կառուցողական դիրքորոշման ֆոնի վրա, քանի որ նա փորձում է հնարավորինս խանգարել ղարաբաղյան հակամարտության կարգավորման գործընթացին, զուգահեռաբար հանդես գալով` Ղարաբաղում ռազմական գործողոըթյուններ սկսելու սպառնալիքով, հրադադարի ռեժիմն անընդհատ խախտելով, կողմերի հանդիպումները տապալելով, ինչպես, օրինակ Կազանի հանդիպումը նախորդ տարվա հունիսին: Այսօր` հունվարի 23-ին, Սոչիում, ՌԴ նախագահի նախաձեռնությամբ կկայանա Հայաստանի, Ռուսաստանի և Ադրբեջանի նախագահների հերթական եռակողմ հանդիպումը: Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը: Ուշագրավ Մշակվում է Հավաքական անվտանգության խորհրդի որոշման նախգիծը Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները | Փաշինյանն ակնարկել է ՀԱՊԿ-ից դուրս գալու մասին․ «Բա կարո՞ղ է՝ հետ գնանք, ուրիշ ճանապարհ չկա» Նա նաև ասել է, որ եթե ՔՊ–ն չլիներ իշխանության, Հայաստանը հիմա կլիներ գուբերնիա Էրդողանը հուլիսին Շուշի է այցելելու Շուշիում է անցնելու Թյուրքական պետությունների կազմակերպության գագաթնաժողովը Փաշինյան․ Կոմունիկացիաների բացումը կարող է խաղաղության պայմանագրի ստորագրումից շուտ լինել «Եթե տարածքային անբողջականությունը ճանաչվում է՝ մնացած բոլոր հարցերը լուծվում են»,- ասել է նա Վարչապետ. Եթե ՀՀ ժողովուրդը ցանկանա կառավարության փոփոխություն, կիրականացնի «Ես այսօր առավոտից դահլիճում եմ, չլսեցի, որ ընդդիմությունը որևէ բան պնդեր»,–հավելել է նա |