 Ներկայացվել է Հանրակրթական Դիջիթեք 2012-ի օրակարգը 30 հունվարի 2012 - 13:28 AMT PanARMENIAN.Net - Այսօր կայացած մամլո ասուլիսի ժամանակ Հանրակրթական Դիջիթեք 2012-ի կազմակերպիչները ներկայացրեցին ստուգատեսի ծրագիրը։ Կազմակերպիչների խոսքով 4-րդ անգամ կազմակերպվող ստուգատեսի առանձնահատկությունը լինելու է Վրաստանի մասնակցությունը։ ԻՏՁՄ ներկայացուցիչ Վահան Հովսեփյանը իր խոսքում նշեց, որ Հանրակրթական Դիջիթեքին կարող են մասնակցել ոչ միայն կրթական հաստատությունները. «Իրենց մոտեցումները կարող են ներկայացնել բոլոր նրանք, ովքեր ունեն առնչություն կրթական բնագավառին։ Հայաստանում թվային կրթությունը երեխաների առօրյան արժեքավոր է դարձնում։ Ծնողները և ուսուցիչները պետք է հասկանան, որ օգտագործելով համակարգիչը և ինտերնետը, երեխաները ստեղծագործում են։ Դրա վառ ապացույցն են Համակարգչային խաղերի բաց առաջնությունը, որի ժամանակ դպրոցականները մշակել էին իրենց իսկ հնարած ուսումնական խաղերը, դրա ապացույցը մեդիաօլիմպիադաներն են և այլն»։ «Հանրակրթական Դիջիթեք 2012-ին վրացական կողմը կներկայացնի դպրոցների 1-ին դասարանցիներին 53 000 նեթբուքեր նվիրաբերելու իր փորձը, ապա Արցախը՝ կրկին իր նեթբուքերի ծրագրերի մասին և «Մխիթար Սեբաստացի» կրթահամալիրը՝ իր «Նեթբուքն ինձ դասընկեր» ծրագրով»,- նշեց 4-րդ ստուգատեսի կազմկոմիտեի ներկայացուցիչը և ավելացրեց, որ «Յունիքոմփ» ընկերությունը կրթահամալիրին տրամադրել է նոր սերվեր, որի արդյունքում մեդիագրադարանից օգտագործողները կրկնապատկվել են։ Հանրակրթական Դիջիթեք 2012-ի հիմնական թեման է «Թվային միջոցները՝ հանրակրթական արդյունավետ գործիքներ»։ Փետրվարի 1-11-ը ստուգատեսի ժամանակ կանցկացվեն մեդիապարապմունքներ, մեդիաթատրոններ, կլինի «Մխիթար Սեբաստացի» կրթահամալիրի մեդիագրադարանի ներկայացում, մեդիաօլիմպիադայի շնորհանդես։ Շնորհանդեսներով հանդես կգան ՏՏ ոլորտի ներկայացուցիչ ընկերություններ «Սինոփսիս Արմենիան», Ինֆորմացիոն տեխնոլոգիաների ձեռնարկությունների միությունը, Մայքրոսոֆթ Ինովացիոն կենտրոնը, «Յունիքոմփը» և այլն ընկերություններ։ Ստուգատեսի պաշտոնական գործընկերներն են՝ «Մայքրոսոֆթ»-ի հայաստանյան ներկայացուցչությունը, Ձեռնարկությունների ինկուբատոր հիմնադրամը, ԻՏՁՄ, «Յունիքոմփ» և «Ֆիրմա Ալֆա» ընկերությունները և ՀՀ ԿԳՆ ԿՏԱԿ-ը։   Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից   |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
