 ԱԺ-ն հաստատում է. Հայաստանն այսուհետ չի անցնի ամառային ժամանակի  9 փետրվարի 2012 - 13:55 AMTPanARMENIAN.Net - Ազգային ժողովն այսօր երկրորդ և վերջին ընթերցմամբ ընդունել է «Հայաստանի Հանրապետության տարածքում ժամանակի հաշվարկման կարգի մասին» օրենքում առաջարկվող ուղղումների փաթեթրը, որի համաձայն Հայաստանն այսուհետ չի անցնի ամառային ժամանակի: Օրենսդրական փոփոխությունների արդյունքում Հայաստանը ողջ տարվա ընթացքում կլինի մեկ ժամային գոտում՝ GMT+4: «Մենք գտնում ենք, որ ուղղումների ընդունումը ժամանակի պահանջն է, քանի որ նախկին ռեժիմը խնդիրների հետ էր կապված: Բնակչությունը մեծ դժվարությունների հետ էր բախվում»,-հայտարարել է հանրապետական պատգամավոր Կարինե Աճեմյանը՝ ներկայացնելով օրինագիծը: Նա հիշեցրել է, որ շատ երկրներ արդեն մի քանի տարի է, ինչ հրաժարվել են անցումից ամառային ժամանակի: «Առողջապահության ոլորտի մասնագետները նշում են, որ գարունն ու աշունը տարվա սթրեսային եղանակներ են մարդու համար: Նա սկսում է հարմարվել կլիմայական փոփոխություններին, իսկ ժամանակի փոփոխությունը ևս մեկ լրացուցիչ սթրես է առաջացնում»,-հավելել է Աճեմյանը: Իր հերթին, «Ժառանգություն» խմբակցության ղեկավար Ստեփան Սաֆարյանը նշել է, որ օրինագծի ընդունումը բողոք կառաջացնի, քանի որ կավելանա էլեկտրաէներգիայի սպառումը: Հայաստանի աշխարհագրական դիրքին համապատասխանում է GMT+3 ժամային գոտին, սակայն այժմ տարբերությունը Գրինվիչի ժամային գոտու հետ կազմում է + 4 ժամ, մյուս եվրոպական երկրների հետ +3, Ամերիկայի արևելայն ափի հետ +9, Ամերիկայի արևմտյան ափի հետ +12: Ըստ էկոնոմիկայի նախարար Տիգրան Դավթյանի, մեկ-երկու տարի անց նախատեսվում է անցում կատարել մեկ ժամով ու վերադառնալ Հայաստանի համար դասական GMT+3 գոտուն: Դրա շնորհիվ Հայաստանը ողջ տարվա ընթացքում կլինի Մոսկվայի ու Թբիլիսիի հետ նույն ժամային գոտում, իսկ ամռանը մեկ ժամով մոտ կդառնա Եվրոպային:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
