Երևանում կհիշեն ՀՀ ժողովրդական արտիստ Սերգեյ Խորենի Իսրայելյանին 9 փետրվարի 2012 - 18:54 AMT PanARMENIAN.Net - Հայաստանի կինոմատոգրաֆիստների միության նախաձեռնությամբ` փետրվարի 11-ին «Մոսկվա» կինոթատրոնում տեղի է ունենալու հիշատակի հանդիսություն` նվիրված բեմադրող օպերատոր և ռեժիսոր, ՀՀ ժողովրդական արտիստ, պետական մրցանակի դափնեկիր, պրոֆեսոր Սերգեյ Խորենի Իսրայելյանի ծննդյան 75-ամյակին: Երեկոյի ընթացքում տեղի է ունենալու ՀՀ մշակույթի նախարարության աջակցությամբ հրատարակված Էդուարդ Համբարձումյանի «Սերգեյ Իսրայելյան. վարպետի գործը» գրքի շնորհանդեսը: Սերգեյ Իսրայելյանն իր օպերատորական աշխատանքներով փայլել է ինչպես Հայաստանում, այնպես էլ ողջ Խորհրդային Միությունում: Նրա աշխատանքներից են բոլորի կողմից սիրված «Խաթաբալան», Թումանյանի «Հեքիաթները», «Եռանկյունին», «Նահապետը», «Կտոր մը երկինքը» և այլ ֆիլմեր: Սերգեյ Իսրայելյանը հայտնի էր նաև իր ռեժիսորական աշխատանքներով. «Գիքոր», «Ճերմակ անուրջներ», «Պատանդները» և այլն: Սերգեյ Իսրայելյանը 1955 թ. աշխատել է «Հայֆիլմ» կինոստուդիայում, 1965 թ. ավարտել է Կինեմատոգրաֆիայի համամիութենական պետական ինստիտուտը: 1977 թ. արժանացել է ՀԽՍՀ արվեստի վաստակավոր գործչի, 1987 թ.՝ ՀԽՍՀ ժողովրդական արտիստի կոչմանը: 1988 թ. դասավանդել է Խ. Աբովյանի անվան հայկական պետական մանկավարժական ինստիտուտում: 1987 – 2003 թթ. եղել է Հայաստանի կինոմատոգրաֆիստների միության նախագահ, հայտնում է ՀՀ մշակույթի նախարարության պաշտոնական կայքը: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Լեմկինի ինստիտուտը կոչ է արել ՄԱԿ-ին չեղարկել Ադրբեջանի՝ որպես COP29–ի ընդունող երկիր լինելու որոշումը Հաշվի է առնվել «Լեռնային Ղարաբաղում Ադրբեջանի ցեղասպան քաղաքականությունը» Լիզինգ առանց տոկոսադրույքի՝ ֆերմերներին ու գործարարներին Ակբա Լիզինգը պետական աջակցության ծրագրի շրջանակում տրամադրում է Հայաստանի գյուղտեխնիկայի մոտ 60%-ը։ ԱՕԿՍ-ի շենքը վարձով կտրվի ամսական մոտ 15․4 մլն դրամով Մրցույթ կհայտարարվի Լիտվան 100,000 եվրոյի մարդասիրական օգնություն կհատկացնի աղետից տուժած հայկական մարզերին Փաշինյանը շնորհակալություն է հայտնել |