Արագաչափ տեսախցիկները մեկուկես ամսում արձանագրել են 16 500 խախտում 3 մարտի 2012 - 12:15 AMT PanARMENIAN.Net - Տեղադրումից՝ հունվարի 16-ից մինչև երեկ՝ մարտի 2-ը, Երևանի փողոցների երթևեկությանը հետևող արագաչափ տեսախցիկները արձանագրել են 16 500 խախտում, որից 13 000-ը կազմում են միայն արագության գերազանցումը, իսկ մնացածը՝ երթևեկության կանոնների այլ խախտումներ։ Այս մասին այսօր լրագրողներին հայտնեց «Աքիլլես» ավտովարորդների իրավունքների պաշտպանության կենտրոն ՀԿ-ի նախագահ Էդուարդ Հովհաննիսյանը։ Նա նաև տեղեկացրեց, որ Արշակունյաց պողոտայում սահմանված 80կմ/ժ արագությունը նվազեցվել է 10-ով՝ դառնալով 70կմ/ժ և ցուցանակի փոփոխման աշխատանքների հետ կապված մարտի 1-ին և 2-ին Արշակունյացում անջատված են եղել արագաչափ տեսախցիկները։ Էդուարդ Հովհաննիսյանի խոսքով, հունվարի 26-ին մի քանի փողոցներում սահմանված արագությունները ավելացվել են՝ համաձայն բոլոր մարմինների համաձայնության և օրենսդրության։ Ըստ «Աքիլլես»-ի տնօրենի, տեսախցիկների տեղադրման օրից խախտումները կտրուկ նվազում են։ «Միայն առատ ձյան օրը ընդամնեը 11 խախտում են ֆիքսել տեսախցիկները»,-նշեց նա։ Հայաստանի ոստիկանության կողմից հայտարարված ճանապարհային երթևեկությանը, շահագործմանը, սպասարկմանը և վերանորոգմանը հետևելու համակարգի ներդրման մրցույթի արդյունքում, ՀՀ ոստիկանության և «Security dream» ընկերության միջև կնքվել է 25 տարվա պայմանագիր: 2011թ ընկերությունը կազմակերպել և շահագործման է հանձնել խախտումների ֆիքսման կենտրոնը, որը Երևանի 10 խաչմերուկում տեղադրել է արագաչափ 15 տեսախցիկներ, ինչպես նաև Երևանի մարդաշատ վայրերում 20 դիտարկման տեսախցիկներ է տեղադրել: Առաջիկա 6 տարիների ընթացքում ծրագիրը կընդլայնվի` կտեղադրվեն արագությունը ֆիքսող 185 տեսախցիկներ Երևանում և մջպետական ավտոմայրուղիներում, ինչպես նաև 90 խաչմերուկներում դիտարկման խցիկներ: 2011-2017թթ ընկերությունը կիրականացնի 9.849562 եվրոյի ներդրում: Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց Շենքի շուրջբոլորը ոստիկանությունը պատնեշներ է տեղադրել Ամենաընթերցվողը բաժնում | Երևանում կկայանա ՀՀ-ԱՄՆ ռազմավարական երկխոսության ամփոփիչ նիստը Նիստի ավարտին կհրապարակվի ամփոփիչ հայտարարություն Իրանի նախագահի ընտրություններին 6 թեկնածու կմասնակցի Ցուցակը հաստատել է Իրանի Սահմանադրության պահապանների խորհուրդը Ալեն Սիմոնյան․ ՌԴ իշխանությունը «գցել» է Հայաստանին և հայ ժողովրդին Նա նշել է, որ թեթև նախանձով էր նայում, թե ինչպես ԱՄՆ-ի նավատորմը մոտեցավ Իսրայելի սահմաններին և սկսեց խոցել հրթիռները Մարզերում գործող բիզնեսի և անհատների համար Ամերիաբանկը մշակել է աշխատավարձային հատուկ առաջարկ Մարզային ընկերությունները փաթեթի շրջանակում կարող են անվճար բացել ցանկացած արժույթի բանկային հաշիվներ |