 Սևակ Սարուխանյան. Պատերազմն Իրանում վատ կանդրադառնա Հայաստանի տնտեսության վրա 6 մարտի 2012 - 17:21 AMT PanARMENIAN.Net - Եթե ԱՄՆ հարվածի Իրանին, ապա Իրաքում նոր քաղաքացիական պատերազմ կբռնկվի, Երևանում կայացած մամուլի ասուլիսում հայտարարել է իրանագետ Սևակ Սարուխանյանը: Ըստ իրանագետի, պատերազմը Իրանում կհանգեցնի Իրաքում ԱՄՆ քաղաքական գործունեության կործանմանը: Ավելին, ըստ իրանագետի, հարվածից անմիջապես հետո, Թեհրանը կդիմի «Հեզբոլլահի» գրոհայինների օգնությանը, որոնք գտնվում են Աֆղանստանի տարածքում, որտեղ դեռևս շատ ամերիկյան զորք կա, ինչը ամերիկյան բանակին մեծ վնաս կհասցնի: «Տվյալ պահին ԱՄՆ համար շահեկան չէ պատերազմել Իրանի դեմ, իսկ Իսրայելին աջակցելն, ընդամենը Վաշինգտոնի խաղն է, որով նա ցանկանում է մեծացնել ճնշումը Թեհրանի վրա»,-հայտարարել է Սարուխանյանը: Նա նաև ընդգծել է, որ ցանկացած դեպքում Հայաստանը պետք է աջակցի ԻԻՀ, քանի որ վերջին 20 տարիների ընթացքում Իրանը դեմ հանդես չի եկել Հայաստանին և բարեկամական հարաբերություններ են հաստատվել: «Եթե Իրանում պատերազմ սկսվի, Հյասատանի բաց սահմաններից մեկը կփակվի, ինչը, փաստորեն, կհանգեցնի նրան, որ կհայտնվենք նույն իրավիճակում, ինչ 1991թ` կսառեցվեն բազմաթիվ նախագծեր, մասնավորապես` Արաքս գետի վրա ՀԷԿ-ի կառուցումը»,-հայտարարել է փորձագետը: Սարուխանյանի կարծիքով, լուրջ հարված կհասցվի Իրանի տնտեսական և սոցիալական ոլորտներին, ինչը, բնականաբար, իր բացասական ազդեցությունը կթողնի Հայաստանի տնտեսության վրա:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
