ԲԱՔՈՒՆ ԱՅԼԵՎՍ ՉԻ ՑԱՆԿԱՆՈՒՄ ԿԱՌԱՎԱՐԵԼ ՂԱՐԱԲԱՂԻ ՀԱՅԵՐԻՆ, ՔԱՆԻ ՈՐ ՀԱՍԿԱՑԵԼ Է ԴՐԱ ԱՆԻՐԱՏԵՍՈՒԹՅՈՒՆԸ, ՀԱՅՏԱՐԱՐԵԼ Է ԵՄ ԶԵԿՈՒՑՈՂԸ

PanARMENIAN.Net - Լեռնային Ղարաբաղի հակամարտության կարգավորման հարցում հնարավոր է նվազագույն փոխզիջում, որի դեպքում միջազգային հանրությունը Լեռնային Ղարաբաղը չի ճանաչի որպես ՄԱԿ-ում համապատասխան տեղ ունեցող պետություն: Այդ մասին, ինչպես հաղորդում է «Արմինֆո» գործակալությունը, «Ազատություն» ռադիոկայանին է հայտարարել Եվրամիության Հարավային Կովկասի երկրների գծով զեկուցող Պեռ Գարթոնը: «Սակայն դա, ինչպես ինձ ասաց Լեռնային Ղարաբաղի նախագահ Արկադի Ղուկասյանը, իրենց համար ամենակարեւոր հարցը չէ», - նշել է Գարթոնը: Մինչդեռ, նրա խոսքերով, Լեռնային Ղարաբաղը երբեք չի համաձայնի լինել պաշտոնական Բաքվի վարչական ենթակայության տակ: Այդպիսով, նշել է զեկուցողը, ձեւական տեսակետից Լեռնային Ղարաբաղը կարող էր լինել Ադրբեջանի մաս, սակայն պետք է լինի լիովին ինքնավար, ինչը չափազանց կարեւոր է առօրյա կյանքում: Ընդ որում, Պ.Գարթոնի խոսքերով, ԼՂՀ-ն համապատասխան տեղ չի պահանջում ՄԱԿ-ում, Եվրախորհրդում կամ էլ այլ կառույցներում, քանզի հասկանում է, որ դա իրատեսական չէ, եւ միջազգային հանրությունը չի ողջունում մեծ թվով ինքնիշխան երկրների ստեղծումը: Ինչ վերաբերում է Ադրբեջանին, ապա «նրանք այլեւս չեն ցանկանում կառավարել Լեռնային Ղարաբաղի հայերին, քանի որ հասկացել են, որ դա անիրատեսական է»,- հայտարարել է ԵՄ ներկայացուցիչը:
 Ուշագրավ
Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ
Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված
Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ
---