  ԱՄՆ կոնգրեսականները կոչ են անում ավելացնել Հայաստանին, Արցախին և Ջավախքին հատկացվող ֆինանսական օգնությունը 21 մարտի 2012 - 11:11 AMT PanARMENIAN.Net - ԱՄՆ Ներկայացուցիչների պալատի Հայաստանին աջակցող խմբի շուջ 30 անդամներ նամակ են հղել օտարերկրյան հատկացումների ենթակոմիտեի ղեկավարությանը՝ կոչ անելով ավելացնել Հայաստանին, Արցախին և Ջավախքին հատկացվող ֆինանսական օգնությունը, ինչպես նաև ֆինանսավորել Մերձավոր Արևելքի քրիստոնյա փախստականների վերաբնակեցումը: Ինչպես հայտնում է Ամերիկայի Հայկական համագումարը, «երկու կուսակցությունների ներկայացուցիչները միավորվել են, աջակցելով հայ-ամերիկյան ռազմավարական հարաբերություններին տնտեսական զարգացման ու անվտանգության ապահովման միջոցով»: Կոնգրեսականները նամակում կոչ են արել 2013թ. ֆինանսական տարում առնվազն 5 մլն դոլար հատկացնել Լեռնային Ղարաբաղին որպես մարդասիրական օգնություն և, Վրաստանին հատկացվող օգնության առնվազն 10 տոկոսը ուղղել Ջավախք, այդ թվում տարածաշրջանում աշխատատեղերի ստեղծման համար: Կոնգրեսականները նաև հորդորում են առնվազն 50 մլն դոլար հատկացնել Հայաստանին որպես ֆինանսական օգնություն, ինչպես նաև ֆինանսապես աջակցել Մերձավոր Արևելքի երկրների հայերի և մյուս քրիստոնյա փախստականների վերաբնակեցմանը: Կոնգրեսականները հորդորել են սահմանափակել Ադրբեջանին հատկացվող ամերիկյան օգնությունը՝ հաշվի առնելով նրա ակտիվ սպառազինումը և Հայաստանին ու Լեռնային Ղարաբաղին հասցեագրցած սպառնալիքները: ԱՄՆ օրենսդիրները նաև կոչ են անում վերացնել բոլոր արգելքները ԱՄՆ քաղաքացիների և ԼՂՀ ներկայացուցիչների շփման համար և ընդգրկել Ստեփանակերտը ղարաբաղյան կարգավորման շուրջ բանակցություններում:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
