ՀԱՅԱՍՏԱՆԻ ԵՎ ՎՐԱՍՏԱՆԻ ՆԱԽԱԳԱՀՆԵՐԸ ՀԱՆԴԵՍ ԵՆ ԵԿԵԼ ՏԱՐԱԾԱՇՐՋԱՆՈՒՄ ԲԱՐԵՆՊԱՍՏ ՄԹՆՈԼՈՐՏ ՍՏԵՂԾԵԼՈՒ ՕԳՏԻՆ ԱՌԿԱ ՀԱԿԱՄԱՐՏՈՒԹՅՈՒՆՆԵՐԸ ԿԱՐԳԱՎՈՐԵԼՈՒ ՀԱՄԱՐ12 մարտի 2004 - 23:43 AMT PanARMENIAN.Net - Հայաստանը եւ Վրաստանը հասել են հարաբերությունների բարձր մակարդակի, որոնց հիմքում ընկած է հայ եւ վրաց ժողովուրդների բազմադարյան բարեկամությունը: Այդ մասին ասվում է համատեղ հայտարարության մեջ, որով հանդես են եկել Երեւանում երկու երկրների ղեկավարներ Ռոբերտ Քոչարյանը եւ Միխաիլ Սահակաշվիլին` ամփոփելով վերջինիս Հայաստան կատարած պաշտոնական այցի արդյունքները: Նախագահները հաստատել են հետագայում եւս բարեկամական հարաբերությունները ամրապնդելու, ինչպես նաեւ Հայաստանի եւ Վրաստանի միջեւ փոխշահավետ համագործակցությունը զարգացնելու վճռականությունը: Հայտարարության մեջ նաեւ նշվում է երկկողմ եւ բազմակողմ համագործակցության, համատեղ գործողությունների համակարգման արդյունավետության բարձրացման եւ այնպիսի ժամանակակից մարտահրավերներին եւ սպառնալիքներին դիմագրավելու անհրաժեշտությունը, ինչպիսիք են միջազգային ահաբեկչությունը, կազմակերպված հանցավորությունը եւ զենքի ու թմրանյութերի անօրինական առեւտուրը: Կողմերը նշել են, որ համակողմանի տարածաշրջանային համագործակցության խորացման եւ տարածաշրջանի երկրների շահերի մերձեցման ճանապարհով հնարավոր կլինի բարենպաստ մթնոլորտ ստեղծել տարածաշրջանում առկա հակամարտությունների կարգավորման համար: Հայաստանի եւ Վրաստանի ղեկավարները կրկին վերահաստատեցին իրենց հավատարմությունը միմյանց ներքին գործերին չմիջամտելու սկզբունքին, փոխադարձ հարգանքը ինքնիշխանությանը, տարածքային ամբողջականությանը եւ սահմանների անխախտելիությանը: Հայկական կողմը համոզվածություն է հայտնել, որ Վրաստանում ընթացող բարեփոխումները, ինչպես նաեւ առաջիկա խորհրդարանական ընտրություններն ուղղված են Վրաստանում ժողովրդավարության եւ կայունության ամրապնդմանն ու տնտեսական զարգացմանը, ինչը բխում է ոչ միայն Վրաստանի, այլ նաեւ Հայաստանի ու ողջ տարածաշրջանի շահերից: Միխաիլ Սահակաշվիլին հրավիրել է Ռոբերտ Քոչարյանին պաշտոնական այցով լինել Վրաստանում իրեն հարմար ժամկետում: Ուշագրավ Փաշինյանը շնորհակալություն է հայտնել Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Ամենաընթերցվողը բաժնում | Դեբեդ, Աղստև գետերի ավազաններում և Սևանի հարավային ափում ջրի ելքերի կմեծանան Սևանում տեղատարափ անձրև է Բայդենը հայտարարել է Կիևին $225 մլն-ի ռազմական օգնություն հատկացնելու մասին Նա ներողություն է խնդրել տարեսկզբին Կոնգրեսում Կիևին ամերիկյան օգնության փաթեթի ընդունման ձգձգման համա Ֆրանսիացի ճարտարապետի Կասկադի ավարտուն տեսքի հայեցակարգային առաջարկը քննարկվել է քաղշին խորհրդում Ներկայացվել է նաև հայեցակարգի վերաբերյալ տեսանյութ Փաշինյանն աղետի գոտի է այցելել Նա այցելել է Վանաձոր-Ալավերդի միջպետական ճանապարհի Մարց գյուղի հատված |