Միջադեպերի կտրուկ աճը կարճ ժամանակում ու դրանց ակտիվ լուսաբանումը կարող է հանցագործությունների կտրուկ աճի պատրանք ստեղծել, ինչը, մասնավորապես, արտահայտվում է սոցցանցերում վերջին օրերին՝ խուճապային ու անկումային տրամադրությունների տարածման տեսքով։ Մեդիապատկերն ու իրականությունը, սակայն, կարող են և հակասել իրար, իսկ մի քանի աղմկոտ միջադեպերը՝ չարտահայտել իրական տենդենցը։

ԱՎԾ տվյալներով, 2017-ի առաջին կիսամյակում սպանությունների ու սպանության փորձերի թիվը ՀՀ-ում նվազել է մոտ 1,5 անգամ․ 25 սպանություն ու 13 սպանության փորձ (ընդամենը՝ 38 միջադեպ) 2016-ի առաջին կիսամյակում սպանության 39 և սպանության փորձի 17 դեպքի (56 միջադեպի) դիմաց։

2016-ի արդյունքներով, ՀՀ-ում 100 հազար բնակչի շնչին 0,83 սպանություն է եղել։ Համեմատության համար. ԵՄ-ում 2016-ին 2,7 սպանություն է կատարվել 100 հազար բնակչի հաշվով։ Սպանությունների ու սպանության փորձերի առավել մանրամասն վիճակագրությունն ըստ տարիների՝ ստորև գծապատկերում: