Գյուղատնտեսության ոլորտում գերակա խնդիր է մնում գյուղացիական կոոոպերատիվների ստեղծումը համայնքներում: Այս մասին Արարատի մարզի գյուղական համայնքների ղեկավարների հետ հանդիպման ժամանակ հայտարարել է ՀՀ գյուղատնտեսության նախարար Սերգո Կարապետյանը, հայտնում է նախարարության մամլո ծառայությունը:
Նրա խոսքով` այդ ուղղությամբ առաջիկայում լուրջ աշխատանքներ կիրականացվեն:
«Անասնապահության ոլորտում 35 համայնքերում ունենք կոոպերատիվներ, բայց պետք է այնպես անենք, որ դրանք լինեն բոլոր ոլորտներում: Օրենք ենք մշակում կոոպերատիվների մասին, ընտրություններից հետո կմտցնենք Ազգային ժողով»,-ասաց նա:
Կարապետյանի խոսքով` սննդի անվտանգության ոլորտում իրավական հիմքերի ստեղծումը լուրջ խնդիր է: Օրենսդրական դաշտը այս ոլորտում պետք է հավասարեցնել ԵՄ-իպահանջներին:
«Գյուղատնտեսական տեխնիկայի 95 տոկոսը 25 տարուց ավելի շահագործվում են: Հիմա բանակցություններ են գնում Ռուսաստանի եւ Բելոռուսի հետ` գյուղտեխնիկայի ներկրմանհամար»,-ասաց նախարարը:
