«Փյունիկ» ակումբը պաշտոնապես տեղեկացնում է, որ Բունդեսլիգայի «Քյոլն» ակումբը պաշտոնական հրավեր է ուղարկել Վարազդատ Հարոյանին, որպեսզի նա մարտի 25-29-ը անցկացնի գերմանական թիմում:
Ինչպես հաղորում է «Փյունիկի» պաշտոնական կայքը, «Քյոլնի» ղեկավարությունն ու մարզչական շտաբը երկար ժամանակ է, ինչ հետևում են Հարոյանի խաղին և դեռ վաղուց էին հրավիրում մեր ֆուտբոլիստին, սակայն միայն այս պահին հարմար ժամանակ գտնվեց Հարոյանին Գերմանիա գործուղելու համար: Հարոյանը մարտի 25-ին ներկա է եղել Բունդեսլիգայի հերթական տուրի Դորտմունդի Բորուսիայի դեմ խաղին, իսկ հաջորդ օրերին երեք անգամ կմասնակցի գլխավոր թիմի մարզմանը:
Մարտի 29-ին Հարոյանը կվերադառնա Երևան և «Փյունիկի» կազմում կնախապատրաստվի ՀՀ առաջնության «Բանանցի» հետ խաղին: