Լեռնային Ղարաբաղը որպես հակամարտության լիիրավ կողմ կմասնակցի ղարաբաղյան կարգավորման բանակցություններին: Այդ մասին, ինչպես հաղորդում է «Մեդիամաքս» գործակալությունը, այսօր Երեւանում լրագրողներին է հայտարարել ԼՂՀ նախագահ Արկադի Ղուկասյանը` ԵԱՀԿ Գործող նախագահ, Բուլղարիայի ԱԳ նախարար Սողոմոն Պասիի հետ հանդիպումից հետո: Նրա խոսքերով, Հայաստանի եւ Ադրբեջանի միջեւ բանակցություններին ԼՂՀ չմասնակցելը ժամանակավոր բնույթ է կրում: «Այդ գործում ցանկացած շփումները կարեւոր են, սակայն առանց Ստեփանակերտի մասնակցության խնդիրը դժվար թե լուծվի», - հայտարարել է ԼՂՀ նախագահը: