Վրաստանի նախագահ Միխայիլ Սահակաշվիլին «խաբեություն» է համարել երկրի նախկին նախագահ Էդուարդ Շեւարդնաձեի այն պնդումը, թե Բաքու-Թբիլիսի-Ջեյհան (ԲԹՋ) նավթատարի կառուցումն ու շահագործումը «բարգավաճում կբերի Վրաստանի յուրաքանչյուր ընտանիքին»: Ինչպես նախօրեին լրագրողների հետ հանդիպման ժամանակ հայտարարել է Սահակաշվիլին, այդ նավթատարի կառուցումը կարեւոր նշանակություն ունի Վրաստանի համար, մասնավորապես, երկիր ներդրումներ ներգրավելու, նրա ռազմավարական դերի ուժեղացման առումով: Սակայն պնդումներն այն մասին, թե ԲԹՋ-ի շահագործմամբ Վրաստանի բոլոր ընտանիքները կբարգավաճեն, նրա կարծիքով` «բացարձակ առասպել եւ ինքնախաբեություն է»: